Ali Khamenei
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Ali Hoseini Khamenei (en farsi: علی حسینی خامنهای; Mashhad, 19 de avril de 1939-Teheran, 28 de fevrero de 2026[1]) fue un relijiozo i politiko iraniano ke fue el Kapo Supremo de Iran desde 1989 fina el su amortamiento en 2026, shefe de la klasa relijioza politika del payis i marŷaʿ ('manadero de emulasyon') del shiizmo. En kedando mas de 36 anyos komo ahbar-e mo'azzam yego a ser el shefe de Estado kon mas tiempo en el lavoro de Medio Oryente i el doseno iraniano kon mas tiempo en el pueder entre los syeklos XX i XXI, dospues del Sha d'alkavo, Mohammad Reza Pahlevi. Endemas de esto, entre 1981 i 1989 fue el presidente tresero de la istorya de Iran. Por munchas anyadas, desvelopo a Iran komo el payis finansiador de terrorizmo por todo el mundo.[1]
Biografiya
[trocar | trocar el manadero]Khamenei nasio en la sivdad de Mashhad, en una famiya orijinala de la sivdad de Khamaneh, en la provinsia de Azerbaidjan Oryental. S'ambezo en una hawza de su sivdad i dospues moro en Qom en 1958, ande era elevo de Ruhollah Khomeini. Desde su manseves, izo parte de la opozisyon a Mohammad Reza Pahlevi, el sha de Iran, i fue emprizonado sesh vezes antes de ser arrondjado del payis por la rejima del Sha. Fue parte emportante de la Revolusyon Islamika (1978-1979) i despues de la reushita de esta, lavoro en varios postos en el governo de la Repuvlika Islamika de Iran. Khamenei fue el treser prezidente del payis, entre 1981 i 1989 durante la gerra Iran-Irak, kuando desvelopo relasiones buenas kon Puerpo de la Guardia Revolusyonaria Islamika (CGRI). Dospues de la muerte de Khomeini en 1989, fue elejido Kapo Supremo por la Asamblea de Ekspertos.
Nyegasyon del Olokosto
[trocar | trocar el manadero]En varios evenemento, Khamenei nyego ke el Olokosto tuviese afitado. Un diskorso del anyo 2006 kontiene la frasa tresladada al inglez komo «el mito del masakro de los djudios». El 21 de marso de 2014, Khamenei deklaro en una interviu: «El Olokosto es un evenemento kon realita ke no tenemos konosensya, i si afito, no tenemos konosensya komo afito». El 27 de janvie de 2016, el Dia de la Komemorasyon del Olokosto, Khamenei izo publiko un filmiko nyegando el Olokosto en su oja web ofisiala. El filmiko, bazeado en el su diskorso de 2014, amostra fotos de los nyegasionistos de la Shoa Roger Garaudy, Robert Faurisson i David Irving.[2]
Amortamiento
[trocar | trocar el manadero]El 28 de fevrero, el governo de Israel anunsio ke toparon el puerpo de Khamenei sin vida dospues de un atako israeliano kon 30 raketas kontro su palasio en Teheran.[3] El su ijo, Mojtaba Khamenei, fue eskojido Kapo Supremo de Iran el 8 de Marso de 2026.[4]
Ver endemas
[trocar | trocar el manadero]Referensias
[trocar | trocar el manadero]- 1 2 Murió Ali Khamenei, el ideólogo de brutales asesinatos y atentados que comandó el poder real de Irán por más de tres décadas. Infobae (en kastilyano)
- ↑ Khamenei airs Holocaust denial video on international Remembrance Day. Times of Israel (en inglez)
- ↑ “30 bombs fell on Khamenei’s palace. This is how the leader of the Iranian regime died.”. Aurora (en inglez)
- ↑ WATCH: Khamenei's son Mojtaba named as new supreme leader of Iran, state media announces. Jerusalem Post (en inglez)