Aly Raisman

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Aly Raisman.

Alexandra Rose "Aly" Raisman (Needham, 25 de mayo de 1994) es una djimnasta amerikana. En los Djuegos Olimpikos de Londra, era la kapitana del ekip del su payis, el kualo aresivio la medalya de oro en esta kateggoriya. Partisipando komo esportista individuala, aresivio una medalya de oro en los egzersisios enel patin i una medalya de bronse enel kamino de ekilibro. Endemas, era parte del ekip amerikano en los Shampiyonatos Mondiales de 2010 y de 2011, ande aresivio respektivamente, medalyas de plata i de oro.

El Shampiyonato Mondial de Jimnastika Artistika de 2015 definio el su aboltamiento ala kompetensia internasionala, ande konformo parte del ekip amerikano, el kualo aresivio la medalya de oro.[1]

Biografiya[trocar | trocar el manadero]

Aly Raisman nasio el 25 de mayo de 1994 en Needham, Massachusetts, Estatos Unitos. Es ija de Lynn Faber i Rick Raisman.[2][3] Raisman es djudia.[4] La su madre era djimnasta enel lise. Aly es la behora de la famiya, i tiene tres ermanos chikos: Brett, Chloe, i Madison.[5]

Karriera esportiva[trocar | trocar el manadero]

2009[trocar | trocar el manadero]

En abril de esta anyada eskapo enel diezeno lugar del Klasiko de Estatos Unitos en San Diego, California, kon 53.383 puntos.[6] En djulio, eskapo dodzena enel CoverGirl Classic en Des Moines, Iowa, kon 54.050 puntos.[7] En Ogusto, eskapo en treser lugar enel all-around del Shampiyonato de Estatos Unitos en [Dallas]]. [8] En Noviembre, eskapo enel treser lugar del all-around del Shampiyonato Panamerikano de Mansevos en Aracaju, Brasil, kon 56.200 puntos, endemas del primer lugar en salto i en egzersisios enel patin. El ekip de Estatos Unitos endemas eskapo enel primer lugar.[9]

2010[trocar | trocar el manadero]

En marzo, Raisman eskapo de dosena enel all-around de la Kupa Amerikana en Worcester, Massachusetts, kon 58.900 puntos.[10] En mayo, eskapo dosena enel Shampiyonato de la Beira del Pasifiko en Melbourne, Ostralya. Eya dio ayudo al ekip amerikano para aresivir la medalya de oro, i endemas aresivio medalya de plata en all-around kon 58.250 puntos, dosena en kamino de ekilibro i en egzersisios enel patin, ma kedo de sietena en las barras asimetrikas.[11] En Oktobre de la anyada, eskapo enel dezimo treser lugar enel Shampiyonato del Mundo de Djimnastika de 2010 de Rotterdam i katrena en egzersisios enel patin kon 14.716 puntos.[12]

2011[trocar | trocar el manadero]

En Oktobre, Raisman kompitio enel Shampiyonato del Mondo de Djimnastika de 2011 en Tokio, ande yego a ser la kapitana del ekip amerikano diskues deke Sacramone kedara ferida antes del evenemento. "So la mas aedada de los mis ermanos, ansi ke ser la kapitana del ekip yego a mi de modo natural", disho. "Yo no ke kreygo la shefa del grup, yo solu kero dar ayudo a mis kompanyeras". [13] Endemas de esto, el ekip amerikano eskapo enel primer lugar, kon Aly aresiviendo 14.950 puntos en salto, 14.866 en kamino de ekilibro i 14.666 enel patin; en all-around, kedo en katreno lugar i de tresera en egzersizios enel patin.[14]

En Noviembre, Raisman dechidio trokarse en atleta profisionala, asinyando kontrato kon la entreprisa Octagon. Eya disho: "No era una dechizion kolay, ma siempre pensi en tentarlo i no todos tienen la shans de ser profisionalos i tener sponsors. Me enkantan los defiles, ansi ke kreygo ke es grandiozo tener a Ralph Lauren komo el mi sponsor.[15]

2012[trocar | trocar el manadero]

En Djunio, Raisman partisipo enel Shampiyonato Nasional Amerikano en Saint Louis, eskapando enel treser lugar en all-around, primer lugar en kamino de ekilibro i egzersisios enel patin.[16] Márta Károlyi, shefa del ekip amerikano, disho, "Eya es komo una pedra. Eya sale i parese ke nada la molesta. Eya save ke tiene treinadores, eya save ke esta pronta, ma no pone prezion en eya misma. Me enkanta una djimnasta ansina, ke da el su korason".[13]

En Djulio, Raisman eskapo de tresera en las provas Olimpikas echas en San Jose, Kalifornia, endemas del primer lugar enel kamino de ekilibro i en los egzersisios enel patin. Esto izo ke la yamaran a ser parte del ekip de Estatos Unitos para los Djuegos Olimpikos[17]


Djuegos Olimpikos de Londra[trocar | trocar el manadero]

Raisman dio el ayudo en los Djuegos Olimpikos al ekip amerikano, yamado "The Fierce Five" (las sinko ferozas) eskapar en primer lugar, endemas de eya klasifikar al all-around kon 60.391 puntos,[51] sinkena en la bara de ekilibro, i primera enel patin. [18] Enel all-around, eskapo kon 59.566 puntos, igual ke Aliya Mustafina de Rusia, ma pedrio la medalya de bronse en una kevradura de empate i eskapo de katrena. Esta kevradura konta solu los tres puntos mas altos; los de Mustafina adjustavan 45.933 puntos, mientres ke los de Raisman adjustavan 45.366.[19]

En la final de barra de ekilibro, Raisman aresivio la medalya de bronse, diskues de una kevradura de empate kon Cătălina Ponor de Rumania.[20] En la final de egzersisios enel patin, Raisman gano la medalya de oro kon 15.600 puntos, yegando a ser la primera mujer de Estatos Unitos en aresivir una medalya de oro en egzersisios enel patin.[21] Eya izo el su egzersisio kon la musika de Hava Nagila i dediko su rutina a los esportistas israelianos ke eran amortados por terroristos palestinianos en los Djuegos Olimpikos de 1972.[22]

Diskues de los Djuegos[trocar | trocar el manadero]

En Sietembre de 2012, Aly era ferida enel Kellogg's Tour of Gymnastics Champions, en Ontario, Kalifornia. Eya kayo mientres azia un Maloney en las barras asimetrikas i kayo en los sus dizos.[23]

2014[trocar | trocar el manadero]

En 2014, Raisman abolto ala djimnastika para el treinamiento nasional en Oktobre, i era yamada otruna vez al ekip nasional, ansina komo la su kompanyera Gabby Douglas. [24]


2015[trocar | trocar el manadero]

En djunio, era yamada para azer parte del komite de la kandidatura de Boston para los Djuegos Olimpikos de 2024. [25] Diskues, aparesio sin vistidos en la revista ESPN The Magazine.[26] En Ogusto, Raisman kompitio enel Shampiyonato Nasional Amerikano en Indianapolis i eskapo de tresera, tras de Biles i Maggie Nichols. Diskues del evenemento, era yamada al ekip nasional por prima vez desde 2012 i era endemas konvidada al Shampiyonato del Mondo.

2016[trocar | trocar el manadero]

Enel Shampiyonato de la Beira del Pasifiko, Raisman aresivio la medalya de oro kon el ekip amerikano, endemas de medalya de plata en all-around, medalya de plata en barra de ekilibro, i oro en egzersisios enel patin.

En Djunio, kompitio en el Shampiyonato Nasional, eskapando de dosena. En Djulio, en los treinamentos para los Djuegos Olimpikos, kedo de tresera, tras de Biles i Hernandez. Diskues, era yamada a ser parte del ekip nasional olimpiko, endjunto a Biles, Douglas, Hernandez, i Madison Kocian. [27]

Djuegos Olimpikos de Rio de Janeiro[trocar | trocar el manadero]

Durante la prima nochada de la kompetensia en djimnastika de mujeres en los Djuegos Olimpikos de 2016, Raisman aresivio los dosenos puntos mas altos, klasifikando ansina para la final de all-around i la de egzersisios enel patin. [28]

Medalyas internasionalas aresividas[trocar | trocar el manadero]

Djuegos Olimpikos
Anyo Lugar Medalya Kateggoriya
2012 Londra Flag of the United Kingdom.svg Gold medal icon.svg Ekip
2012 Londra Flag of the United Kingdom.svg Gold medal icon.svg Egzersisios enel patin
2012 Londra Flag of the United Kingdom.svg Bronze medal icon.svg Barra de ekilibro
2016 Rio de Janeiro Flag of Brazil.svg Gold medal icon.svg Ekip
2016 Rio de Janeiro Flag of Brazil.svg Silver medal icon.svg All-around
Shampiyonato Mondial
Anyo Lugar Medalya Kateggoriya
2010 Rotterdam Flag of the Netherlands.svg Silver medal icon.svg Ekip
2011 Tokyo Flag of Japan.svg Gold medal icon.svg Ekip
2011 Tokyo Flag of Japan.svg Bronze medal icon.svg Egzersisios enel patin
2015 Glasgow Flag of the United Kingdom.svg Gold medal icon.svg Ekip
Beira del Pasifik
Anyo Lugar Medalya Kateggoriya
2010 Melbourne Flag of Australia.svg Gold medal icon.svg Ekip
2010 Melbourne Flag of Australia.svg Silver medal icon.svg All-around
2010 Melbourne Flag of Australia.svg Silver medal icon.svg Barra de ekilibro
2010 Melbourne Flag of Australia.svg Silver medal icon.svg Egzersisios enel patin
2016 Everett Flag of the U.S..svg Gold medal icon.svg Ekip
2016 Everett Flag of the U.S..svg Gold medal icon.svg Egzersisios enel patin
2016 Everett Flag of the U.S..svg Silver medal icon.svg All-around
2016 Everett Flag of the U.S..svg Silver medal icon.svg Barra de ekilibro

Referensias[trocar | trocar el manadero]

  1. Estados Unidos, campeón mundial de gimnasia artística por equipos femeninos
  2. USA Gymnastics: Alexandra Raisman
  3. Richard Leon Faber Obituary: The Boston Globe. The Boston Globe
  4. Jewish gal shows up IOC with a gold salute to Munich 11.New York Post
  5. Rising Raisman Readies for New Year, New Skills. International Gymnast Magazine Online
  6. American Classic / Challenge 2009, Meet Results – Level E – Jr Elite
  7. 2009 Cover Girl Classic, Meet Results – Women – Junior
  8. 2009 Visa Championships – Women Day 2, Meet Results – Combined Women
  9. CAMPEONATO PANAMERICANO DE GIMNASIA ARTÍSTICA – GAF, Competition WAG, Team Competition Final. (en lingua portugeza)
  10. 2010 Tyson American Cup, Meet Results – Women
  11. 2010 Pacific Rim Championships, Women – Senior, Competition III
  12. 42nd ARTISTIC GYMNASTICS WORLD CHAMPIONSHIPS – Rotterdam (NED), Results – Women's Floor Exercise Final
  13. 13,0 13,1 Raisman's steadiness wins her favor with Karolyi. NBC
  14. 43rd ARTISTIC GYMNASTICS WORLD CHAMPIONSHIPS – Tokyo (JPN), Results – Women's Beam Final, Results – Women's Floor Exercise Final
  15. Alexandra Raisman has good chance to make Olympics. The Boston Globe
  16. 2012 Visa Championships – Women Day 2, Meet Results – Seniors
  17. :: USA Gymnastics :: Douglas wins all-around at 2012 U.S. Olympic Trials ::
  18. London 2012 – Gymnastics Artistic – Women – Qualification – Results
  19. London 2012 – Gymnastics Artistic – Women's Individual All-Around – Final
  20. Raisman finally gets (tie) break, wins beam bronze. NBC
  21. Raisman earns two medals at 2012 Olympics: Team USA's first ever gold medal on floor, bronze medal on beam
  22. Jewish gymnast Aly Raisman dances ‘Hava Nagila’ to Olympic glory. Haaretz
  23. Maroney, Raisman Suffer Injuries on Tour
  24. Final National Team Camp For 2014 Wraps Up Today
  25. Arsenault, Mark. "Ray Flyn, Aly Raisman to join Boston 2024 board", The Boston Globe
  26. Gymnast Aly Raisman Poses Naked for ESPN – but That's Not What Scares Her Most
  27. Simone Biles, Gabby Douglas, Aly Raisman Lead Olympic Women’s Gymnastics Team
  28. 2016 Rio Olympics: Simone Biles, Aly Raisman reach gymnastics all-around final