Anfibio

Un anfibio es un animal vertebrado ke adaptado para la vida en la tierra i en la agua. La palavra anfibio viene del grego i kere dizir "dos vidas", porke la majoriya de eyos empesijan la su vida en la agua i dempues pasan a la tierra kando alkansan la madures. Un anfibio bive en todos los kontinentes menos en Antartika i algunas izlas del Pasifiko, prinsipalmente en lugares umedos, anke algunas rnas i sapos moran en desiertos.

Karakteristikas

El anfibio tiene la piel muncho fina, humeda i sin eskamas ni pelo. Por dita piel respira una parte del oksijeno, ama por modre nesesita estar siempre serka de lugares umedos. Endemas tiene pulmones para respirar en la tierra kuando es adulto.

La majoriya de los anfibios nasen de guevos ke la madre echa en la agua. De estos guevos salen larvas ke se yaman "renakuajos". El renakuajo tiene kola i respira por brankias komo un peshkado. Kon el tiempo, le kresen las patas, se le kaye la kola (solo en los anuros) i empesija a respirar kon pulmones. Dito trokamiento se yama metamorfozis i puede durar muncho o poko tiempo asigun la espesie.

Los anfibios son animales de sangre friya. Dito kere dizir ke la kalor de su puerpo troka asigun la kalor ke ay dehuera. Por modre, en las anyadas de invierno, munchos de eyos duermen basho la tierra o en el lodo para no morir de friyo.

Tipos de anfibio

Hay tres grupos grandes de anfibios endagora.

Anuros: Ditos son las ranas i los sapos. No tienen kola kuando son adultos i las sus patas de atras son muncho huertes para saltar. Jeneralmente, se yama rana al anuro de piel lisa y abitos akuatikos y sapo a los anuros de piel rugoza y abitos terrestres.

Urodelos: Salamandras i los tritos. Eyos si tienen kola toda la vida i el puerpo largo similar a una lagartesa. Se konosen komo salamandras a los urodelos de abitos terrestres y tritos a los akuatikos.

Apodos: Anfibios largos, siegos y sin patas yamados endemas Sesilias. Biven basho la tierra en lugares tropikalos i son poko estudiados.