Biota del periodo ediakariko
La biota del periodo ediakariko (endemas yamada fauna ediacariana) es el kondjunto de organismos bivos mas antikos konosidos ke formaron comunidades komplejas abanti de la aparision de los animales kon partes duras. Estos organismos bivieron durante el periodo Ediacariano, ke se egstiende aproksimadamente desde kaji 635 fina 541 millones de anyos antes del prezente, al fin del eon Proterozoiko.
Definision
[trocar | trokar el manadero]La biota ediakariana se define komo el konjunto de formas de bida pluriselular makroskopika ke aparesieron en el periodo Ediakariano. Estos organismos son emportantes porke arepresentan una etapa temprana en la evolusion de la vida komplesha sovre la Tierra.
Istoria del deskubrimiento
[trocar | trokar el manadero]Los primos fosiles ediakarianos hueron deskubiertos en el sieklo XX. El nombre proviene de las kolinas de Ediakara, en el sud de Ostralya, ande en la dekada de 1940 se toparon fosiles bien konservados. Mas tadre, deskubrimientos semejantes se fizieron en otrunos lugares del olam, komo Kanada, Rusia, Namibia, Kina i el Reyno Unido.
Karakteristikas djenerales
[trocar | trokar el manadero]La majoriya de los organismos ediakarianos tenian puerpos blandos i no presentavan partes mineralisadas. Por esta kavza, su konservasion se dio principalmente en forma de impresiones o moldes en rokas sedimentarias.
Entre las karakteristikas mas komunes se inkluyen:
- Puerpos planos o en forma de oja.
- Simetria radiala, bilaterala o asimetrika.
- Avsensia de organos klaramente definidos en munchos kazos.
- Posivle alimentasion por absorsion direkta de nutrientes.
Klasifikasion
[trocar | trokar el manadero]La klasifikasion de la biota ediaksriana es objekto de diskusion sientista. Algunos investigadores konsideran ke siertos organismos ediakarianos pueden estar relasionados kon grupos animales modernos, komo los knidarios o los bilaterios. Otrunos piensan ke munchas de ditas formas pertenesieron a linadjes estingidos sin desendientes diretos.
El estudio de Cuthill i Han (2018) eksamino el fosil kambriano Stromatoveris psygmoglena i la su emportansia para entender el orijin de los animales pluriselulares. El lavoro se baza en un grande numero de eksemplares bien konserbados del yasimiento de Chengjiang, ke permeten una analisa detayada de la morfolojiya del organismo.[1]
Los otores demuestran ke Stromatoveris poseye una organisasion animala, kon simetriya radiala, diferensiasion del puerpo i karakteres kompatibles kon los Metazoa. En el analisis filodjenetiko, Stromatoveris es inkluido junto kon varios organismos de la biota ediakarika dentro de un klado monofiletiko yamado Petalonamae.[2]
Este klado es interpretado komo grupo ermano de los Eumetazoa, los animales kon teshidos verdaderos. Esta pozision filodjenetika sujiere ke parte de la biota ediakarika arepresentava linajes tempranos serkanos al orijin de los eumetazoos, i no formas totalmente separadas o sin desendensia.
El estudio apoya la idea de una kontinuita evolutiva entre el Ediakariano i el Kambriano temprano, i kontribuye a la reinterpretasion de los organismos ediakarianos komo antepasados o parientes serkanos de los animales modernos[3].
Djeneros representativos
[trocar | trokar el manadero]Entre los djeneros mas konosidos de la biota ediakariana se inkluyen:
- Dickinsonia: organismo oval i segmentado, uno de los fosiles mas estudiados del periodo.
- Charnia: kon forma de fronda, el fosil mas ikoniko de la biota del ediakara.
- Spriggina: organismo alargado kon posivle simetria bilaterala.
- Charniodiscus: forma de fronda, probablemente fisho al fondo marino.
Medio ambiyental
[trocar | trokar el manadero]Los organismos ediakarianos bivian prinsipalmente en mares poko profundos. El fondo marino estava kubierto por tapetes de mikroorganismos, i los niveles de oksidjeno en los oseanos eran mas altos ke en periodos anteriores, lo ke pudo fasilitar el desvelopamiento de organismos pluriselulares grandes.
Desaparision
[trocar | trokar el manadero]La mayoria de la biota ediakariana desparesio antes o durante la transision al periodo kambriko, kuando tuvo lugar la eksplosion kambrika. Las kavsas de dita desaparision no son completamente klaras, ama pueden inkluyir kambios ambiyentales, kompetensia kon muevos organismos i la aparision de la depredasion.
Emportansya evolutiva
[trocar | trokar el manadero]La biota ediakariana arepresenta un paso fundamental en la istoria evolutiva de la bida. El su estudio ayuda a entender el orijin de los animales i el desvelopamiento temprano de los ekosistemas marinos kompleshos.