Charnia
Charnia es un djnero del filo egstinto Petalonamae. Fue una forma de bida ediakarica tipo fronda con krestas segmentadas en forma de pendola ke se dezbolben alternativamente verso la derecha i syedra desde una sutura medial en zig-zag (egsibiendo ansina isometría opuesta). El primo espesimen fosilizado de Charnia "Charnia Masoni" en onor a John Mason fue ayado en las sharas de Leicestershire, Inglaterra y endespues otrones fueron ayados en depositos prekambricos de Australia, Kanada i Rusia.
El organismo bivo era un tipo de forma de bida ke kresiya en el fondo de la mar i se kreye ke se alimento de nutrientes en el agua. A pesar de la aparensya de elecho de Charnia, non es una planta o alga fotosintética porke la natura de los fósiles ande se tienen ayados espesimenes sinyifika ke oriyinalamente vivio en aguas profundas, muncho por debasho de la zona fotika ande puede abenir la fotosintesis.
Abitaron durante el período Ediacárico entre fase 579 y 555 miyones de anyadas. El kresimiento i desaroyo endemas son temas de investigasyon kontinua, y dito tiene desakreditado la hipotesis ke la relasionava kon la pendola de mar. A diferensya de las pendolas marinas, ke kresen por insersion basal, Charnia kresiya por la insersion apikal de muevos brotes.
Ver endemas