Ir al contenido

Claudia Sheinbaum

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Claudia Sheinbaum en 2018.

Claudia Sheinbaum Pardo (Sivdad de Meksiko, 24 de Djunio de 1962) es una sientista, aktivista, eskritora i politika meksikana. Oy endiya es la shefa de governo de la Sivdad de Meksiko desde el 5 de Desiembre de 2018.[1]

Claudia Sheinbaum Pardo nasio el 24 de Djunio de 1962 en la Sivdad de Meksiko. Es la dosena ija del kimiko[2] Carlos Sheinbaum Yoselevitz i la biologa Annie Pardo Cemo.[3] La famiya del su padre, echa de merkaderes,[4] arivo de Lituania enel empesijo del syeklo XX, i la famiya de la su madre es sefardi de Bulgaria, arivaron a Meksiko diskues de la Dosena Gerra Mondiala.[5][6]

Entre 1987 i 2016 era espozada kon Carlos Imaz Gispert, miembro fondador del Partito de la Revolusion Demokratika (PRD). Tienen una ija, Mariana.[2]

Ambezo en la Fakulta de Sensias de la Universita Nasionala Otonoma de Meksiko (UNAM), ande aresivio en 1989 el su titolo en Fisika, el su MSc en Enjenieriya Elektrika i en 1995, el doktorat en Enjenieriya Ambientala. [7][8][9] En esta anyada viajo a Kalifornia kon el buto de azer parte de la su bushkida enel Lawrence Berkeley Laboratory durante 4 anyadas, por modre de una bursa ke aresivio de la Universita Nasionala Otonoma de Meksiko (UNAM). Es otora de mas de 100 publikasiones akademikas en enerjiya, medio ambiente i desvelopamiento sustentavle.[5]

Kariera politika

[trocar | trocar el manadero]

Kuando ambezava en la universita, izo parte del Sentro de Elevos de la UNAM[2]​, grup de elevos ke kriaron diskues el grup de mansevos fondador del Partito de la Revolusion Demokratika.[4][10] El 20 de Novembre de 2000 era apresentada komo vekila del Shefe del Governo de la Sivdad de Meksiko, Andrés Manuel López Obrador,[11] prinsipiando el 5 de Desiembre 2000 komo Sekretaria de Medio Ambiente del Distrito Federal. Basho la su administrasion eran fraguados el segundo etaj de la Otopista Periferika, de la prima linea del Metrobus i de una sentrala de kontrolo de otos enkonantes.[12]​ Se esvacheo en May de 2006, kon el buto de azer parte del ekip de Andrés Manuel López Obrador alas eleksiones presidensialas de 2006. Para las eleksiones presidensialas de Meksiko de 2012, lavoro otruna vez kon AMLO i era la propozada para ser la Sekretaria de Ambiente.[13]


Entre 2015 i 2017 lavoro komo Shefa de Delegasion en Tlalpan, una zona de la Sivdad de Meksiko, para diskues de reushitar en las eleksiones internas de la koalision «Juntos Haremos Historia» alas eleksiones del governo de la Sivdad de Meksiko; los partitos de la koalision eran el partito de siedra Movimento Redjenerasion Nasionala (MORENA), el Partito del Lavoro (PT) i el partito de sentro Partito Enkontro Sosyal (PES).[14] En Djulio de 2018, gano las eleksiones al Governo de la Sivdad de Meksiko. Es la prima mujer en ser elekta Shefa de la Sivdad i la dosena mujer en tener este posto, diskues de Rosario Robles entre 1999 fina 2000,[3] i la prima persona djudia en ser Shefe de Governo de la Sivdad de Meksiko.[15][6]

Governo de la Sivdad de Meksiko

[trocar | trocar el manadero]

En Djunio de 2019, publiko un plano kriado kon el buto de amijorar el ambiente en la Sivdad de Meksiko, el kualo espera enchikeser el enkonamiento del aire en 30%, ensembrar 15 milyones de arvoles, defender los plastikos dispozavles i enkorajar el resiklaj, fraguar una mueva usina para separar chop, oferir agua en toda la sivdad, fraguar 100 kilometros de kalejas para trolebus i el Metrobus de la Sivdad de Meksiko, endemas de fraguar kalentadores de agua ke uzan la enerjiya del sol.[16]

En Sietembre de 2019, Sheinbaum anunsio ke iva finansiar 40 milyardos de pesos (US$ 2 milyardos) kon el buto de modernisar el Metro de la Sivdad de Meksiko en siko anyadas.[17]. El 3 de May de 2021, un treno ke iva por la linea 12 del Metro de la Sivdad de Meksiko kayo kuando el ponte por el kualo pasava el treno se derroko, matando 26 personas i kedando mas de 70 feridos.[18]

Referensias

[trocar | trocar el manadero]
  1. Dra. Claudia Sheinbaum Pardo. Konferensa Nasionala de Governadores de Meksiko
  2. a b c “Me separé de Carlos Ímaz de común acuerdo hace un año”. La Razón de México
  3. a b Claudia Sheinbaum is first woman elected Mexico City mayor. South China Morning Post
  4. a b Judíos y científicos. La familia de Claudia Sheinbaum. Enlace Judío
  5. a b ¿Quién es Claudia Sheinbaum?
  6. a b Meet Mexico City's First Elected Female Mayor. National Public Radio
  7. Estudio termodinamico de una estufa domestica de lena para uso rural, tesis que para obtener el título de Fisico, presenta Claudia Sheinbaum Pardo. Dirección General de Bibliotecas, UNAM
  8. Economia del uso eficiente de la energia electrica en la iluminacion, tesis que para obtener el grado de Maestro en Ingeniería (Energetica), presenta Claudia Sheinbaum Pardo. Dirección General de Bibliotecas, UNAM
  9. Tendencias y Perspectivas de la energía residencial en México, análisis comparativo con las experiencias de conservación y eficiencia de los países de la OCDE. ISBN 9683654452
  10. CEU: semillero de políticos; el movimiento estudiantil del 86. Excelsior
  11. Presenta AMLO su gabinete. El Universal
  12. Crearán central de verificentros. El Universal
  13. Propuesta de gabinete de Andrés Manuel López Obrador
  14. Estos son los candidatos de coalición 'Juntos Haremos Historia' en CDMX. Excelsior
  15. Mexico City elects first Jewish, female mayor. Jerusalem Post
  16. In six years, water service for everyone: Mexico City mayor. Mexico News Daily
  17. Mexico City announces 40-billion-peso modernization plan for Metro. Mexico News Daily
  18. Mexico City metro overpass collapse kills 23. BBC News

Atamientos eksternos

[trocar | trocar el manadero]
Commons Klika akí para ver las imajes de Commons ensima de Claudia Sheinbaum.