David (Panama)
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| ||||||||||||||||||||||||||||
San José de David o David es una sivdad del Panama i kapitala del vilayet de Chiriquí, es uno de los grandes sentros urbanos del paiz i esta topada al oksidente. Es una sivdad kon muncho muchiguamiento ekonomiko i grande desvelopamiento industrialo.
Etimolojia[trocar | trocar el manadero]
El nombre de la sivdad no ay orijen sierto, se piensa ke viene de la onra a el Rey David de Israel, purke la sivdad pudo aver sido fundada por kripto-djudios ke yegaron kon la kolonizasion espanyola.
Ekonomia[trocar | trocar el manadero]
_-_Route_Panam%C3%A9ricaine.JPG)
En los ultimas anyadas, David es uno de los prinsipalos destinos del komersio, el turizmo i la industria; y esto volto en un grande muchiguamiento ekonomiko. La ajambamiento de empresas, komersio, osteles, malls, djenera munchas plazas de empleo. Endemas, kuenta kon el su propio distrito finansiero kon institusiones komo Banco General, Banco Nacional de Panamá, HSBC, Banco Universal, Banco Aliado, Global Bank, Multibank, Caja de Ahorros, entre muchos otros.
Una remuevasion urbana emportante ke inkliyo el mejoramiento del parke Miguel de Cervantes Saavedra,[1] o parke de Cervantes, muchiguamiento de kalejas i grandes estradas, revitalizasion del sentro istoriko i mueva iluminasion.
Kultura[trocar | trocar el manadero]
La kula de la katedrala de la sivdad de David es un monumento emportante de la erensia kulturala del vilayet de Chiriquí, es una antika fragua de piedra ke endagora forma parte de la arkitektura de esta kilisia katolika.
Egziste en la sivdad otrona fragua antika komo la kaza de Olaguia, endagora siendo un muzeo, un espasio kon una arkitektura tipika del tropiko sentroamerikano.
La kapitala chirikana es ande se azen las manifestasiones i selebrasiones mas emportantes del vilayet komo el teatro, la muzika, la danza i la pintura, aki ay espasios para la kultura i las artes, ansina komo la edukasion artistika.
