Buró Evropeo de las Linguas Minoritarias

El Buró Evropeo de las Linguas Minoritarias es una organizasion sin ánimo de lukro kriada enel anyo 1982 por el Parlamento Evropeo kon el buto de dezvelopar las linguas minoritarias a nivel evropeo i mondial. Es finansiado prinsipalmente por el Parlamento Evropeo i la Komisiyon Evropea, endemás de goviernos rejionales i lokales. Desde su kriasion, el Buró aze un eshuérso por muchiguar los kontaktos i la kooperasiyon entre akeyas komunitas avlantes de linguas minoritarias, kon el buto de dezvelopar la diversidad en Evropa i apresentar a mas de 46 milyones de evropeos ke avlan alguna lingua minoritaria. El Buró tiene sedes en las sivdades de Bruselas i Dublin.

Aktivitas

El Buró tiene entre sus aktivitás prinsipalas:

• A traverso de su red de Komités de los Estados myémbros, el Buró apresenta a las komunitas de linguas rejionalas i minoritarias de la Union Evropea, dezvelopando sus intereses a nivel evropeo i mondial i endemas fonksionar komo kanal de komunikasiyon entre eyas i las organisasiones internasionalas.
• Dar informasion ensima de las linguas rejionalas i minoritarias a los governos, a los medios de komunikasiyon, a la komunidad akadémica i al públiko en jeneral.
• El Buró tiene un servis de habér de linguas minoritarias i un sentro de dokumentasiyon en su sede de Bruselas.
• Apoyar las inisiativas de las komunitas kon avlantes de linguas rejionalas o minoritarias, aziendo kolay su akseso a finansiamiento evropeo.
• Organisar programas de vijitas akadémikas entre komunitas de avlantes de linguas rejionalas i minoritarias.

Ver endemás

• Letra Evropea de las Linguas Minoritarias o Rejionalas
• Linguas de la Union Evropea
• Colin H. Williams,(1991) Language in Geographic Context: Linguistic minorities, society, and territory. Kogaｎ Page．　

Atamientos eksternos

• Buró Evropeo de las Linguas Minoritarias
• CoE ECRML (en lingua inglesa)
• Map of Native peoples, ethnic groups in Europe (en lingua inglesa)