Lashones del djudeo-espanyol

Lokalidades kon sefaradim en Europa.

Dientro del djudeo-espanyol se deferensyan dos grandes grupos dialektales: el oksidental (haketia, tetuani), kon mas enfluensya del arabo, mas kontakto kon el espanyol halis i deferensias en biervos komo "leer" ("meldar" sólu para lo relijiozo), i el oryental (djudezmo o djidio), ande pueden distingirse uno turkano i otro italo-balkaniko (kon las isolas de Rodas i Kos), kon mas enfluensia del italiano, el franzes i el turkano, afilu del grego i lenguas eslavas.

• Djudeo-espanyol
  • Djudeo-espanyol de Maroko
    • Haketia
    • Tetuani
  • Djudeo-espanyol oriental
    • Area sentrala en el sur delos Balkanes (este de Makedonia, Gresia, la Turkia i Mitzrayim) i dientro estan las areas de enfluensya de tres grandes sentros kulturales sefaradim: Istanbul, Selanik i Esmirna.
    • Area periferika europea en la norte i oeste delos Balkanes.
    • Area periferika ekstra-europea: Israel

Djudeo-espanyol oksidental

El djudeo-espanyol oksidental (tambyen avlado en las sivdades espanyolas de Seuta i Meliya) esta kompuesto por la haketia i el tetuani. El tetuani es un lashon de la haketia avlado en Tetuan i en Oran..

El biervo haketia sale de del biervo hak’a, حكى, en arabo ke kere dizir kontar o avlar. La karakteristika prinsipala dela haketia frente a otros dialektos del djudeo-espanyol es sua re-ispanisasion en el syeklo XIX kuando se formo el Protektorado espanyol de Maroko.

Djudeo-espanyol oriental

El djudeo-espanyol oriental es avlado en los Balkanes, la Turkia i Israel.

Bibliografia

• Benharroch, B. Isaac. Diccionario de Haquetía.

Atamientos eksternos

• La ḥaketía- el ĵudeo-español de Marruecos