Diferensya entre trocamientos de "Yeshiva"

Un artíkolo de la Vikipedya, la ansiklopedya líbera
Contenido eliminado Contenido añadido
Xqbot (diskutir | kontribüsyones)
ch robot Añadido: ca:Ieixivà; cambios triviales
ch robot Añadido: ro:Ieşiva
Liña 49: Liña 49:
[[pl:Jesziwa]]
[[pl:Jesziwa]]
[[pt:Yeshivá]]
[[pt:Yeshivá]]
[[ro:Ieşiva]]
[[ru:Иешива]]
[[ru:Иешива]]
[[sk:Ješiva]]
[[sk:Ješiva]]

Enderechamiento de 28 may 2010 a las 02:04 la ora

Una Yeshiva (en ivrit: ישיבה, yeshivot en plural) es un sentro de estudios de la Tora i de la Gemara jeneralmente para ombres en el djudaismo. Para las mujeres se yama ‘’’Midrashá’’’


Kada yeshivá esta dirijida por un Rav, yamado "Rosh Yeshivá" (la "kabesa de la yeshivá"). En alkunas yeshivot a veses egziste más de un Rosh Yeshivá. A los maestros se les yama Rebeim (en idish) o Rabanim (en ivrit i en djudeo-espanyol). En la mayoria de las yeshivot egziste un 'madrij o konseshero espiritual ken adjuda a los elevos kon los sus problemas personales i un Meshiv, ken responde las demandas akademikas.

Istorya

En los dias de la destruksiyon del dosen Templo (primer syéklo de la era komún) ya egzistian yeshivot, entre eyas las akademias de Usha, Tiberias i Yavne. En estos dias Babilonia paso a ser un emportante sentro de yeshivot inkluyendo las yeshivot de Nehardea, Sura i Pumbadita. De estas dos ramas de akademias talmudikas ivan asurjir las dos edisiones de la Gemara, el Talmud de Yerushalayim y el de Babilonia. Má adelántre ivan surjir yeshivot en el nord de Afrika.

En la Edad Media el estudio del Talmud se va sentrar Fransia i Espanya kon munshas akademias. Dempues de la inkisizion aparesen yeshivot en Evropa Oryental.

La prima yeshiva moderna fue la Yeshiva de Volozhin, Belarus (Etz Hayim) en el syéklo XVIII. Para empieses del syéklo XX, entre las prinsipales yeshivot estaban las akademias Lituanas de Slabodoka, Telz, Kelm i Ponovich, ansina komo las akademias Belarusas de Mir, Brisk i Baranovich i la yeshiva Hahmei Lublin en Polonia.

Djovenes elevos de yeshiva en Yisrael.

Yeshivot Modernas

Dempues del Olokosto munshas yeshivot se ivan mudar a Israel, endemas de las ke se ivan fondar mas adelántre. Munshas otras se ivan mudar a los Estatos Unitos o a payises de Evropa Oksidental. Tambien egzisten yeshivot en varios payises de Amerika Latina: Meksiko, Venezuela, Arjentina i Brasil, komo Hafetz Hayim en Buenos Ayres i Ateret Yosef en la Sivdad de Meksiko. Egzisten endemas yeshivot para ispanofavlantes en Israel, komo Binyan Olam, Mayaanot, Daroma, Majon Meir i Or Sameaj.

Oy endia la más grande yeshiva del mundo es Beth Medrash Govoha en Lakewood, Mueva Jersey, EUA. Munshas de las yeshivot europeas europeas se ivan mudar a otras partes del mundo: la yeshiva de Telz a Cleveland i Chicago, EUA; la yeshiva de Mir (yeshiva) a Brooklyn, EUA y Yerushalayim; la yeshiva de Slabodka a Hebron i dempues a Yerushalayim i la yeshiva de Ponovich a Bnei Brak. En Evropa se conocen entre las mas grandes las yeshivot de Gateshead i Manchester en Inglaterra.

En Israel muchas yeshivot ligadas al zionismo relijioso kombinan los estudios de Gemara i Tora kon el servisio militar. A estas se les denomina yeshivot hesder; komo Mahon Meir, Merkaz haRav i Bet El.

Alkunas akademias femeninas ke van ekivaler a las yeshivot, kon estudios similares se les yama Midrashot (plural de Midrashá). Estas son kada dia má akseptadas, sobre tódu anke no sólu, en los grupos ortodokso moderno i zionista relijioso. Entre las má konosidas midrashot estan Midreshet Lindenbaum, Midreshet HaRova, Mahon Ora i Mijlala Yerushalayim en Yesrushalayim i Mijlelet Orot en Elkana, Israel. El movimento konservador tambien tiene una yeshiva en Yerushalayim donde estudian juntos ombres i mujeres.

Estudios

Los estudios se bazan en la Gemara i los sus komentarios. Endemás se estudia Musar (filosofiya/etika djudia) i alajá o ley djudia. En alkunas yeshivot se estudian libros de la Tanaj. Endemas munshas yeshivot avansadas estudian la alajá komo enfoko sentral. En alkunas yeshivot jasidikas se estudia la kabala i el Jasidismo.

La manera de estudio es independ‎yénte por parejas, kon uno de eyos giando el estudio; esta persona es yamada ‘’jevruta’’. Estos estudios se komplementan con klazes formales (shiurim) ansina komo discusiones etikas/relijiosas konosidas komo sihot.