Astronomiya

(en ivrit) ביאסי איסטי ארטיקולו אין לה גראפ׳ייה איברייה, אסטרונומייה

astronomia, astronomiya (f): astronomy. (Sp.=astronomía)

---

Astronomiya, etimolojikamente del grego para "leyes de las estreyas", es la sensia ke trata de kuanto se refiere a los astros, i prinsipalmente a las leyes de sus movimientos i de su estudio se okupan los astronomos.

Tambien puede ser definida komo la disiplina ke tiene komo objekto la observasion i eksplikasion de fenomenos ke okurren o egzisten fuera de la Tierra.

Astronomiya i Astrofisika

Una vez ke se komprendio ke los elementos ke forman los "objektos selestes" eran los mismos ke konforman la tierra, i ke las mismas leyes de la físika se aplikan a eyos, la Astrofisika aviya nasido, komo una aplikasion de la fisika a los fenomenos observados por la Astronomiya. Sin embargo la mayoriya de los astronomos, si no todos, tienen una solida preparasion en fisika, i las observasiones son siempre puestas en su konteksto astrofisiko, ansi ke la distinsion entre Astronomiya i Astrofisika ya kaji no eksiste.

Astronomiya i Astrolojiya

La Astronomiya no deve konfundirse kon la Astrolojiya, disiplina ke asume ke los asuntos humanos estan determinados por la posision aparente de los objektos astronomikos en el sielo. Aunke ambas disiplinas komparten un orijen komun son en realidad muy diferentes; los astronomos siguen el metodo sentifiko i los astrologos no.

Astronomiya Amateur

La Astronomiya es una de las pokas sensias donde los afisionados todaviya juegan un papel aktivo, por egzempio deskuvriendo objektos transientes (komo kometas) i monitoreando la variabilidad de estreyas.

Istoria de la Astronomiya

En su istoria temprana, la astronomiya suponiya solo la observasion i prediksion de los movimentos de los objektos selestes ke pudieran ser identifikados a simple vista. Los astronomos eran por lo komun tambien saserdotes, i por un largo tiempo se kreyo ke los fenomenos selestes teniyan una influensia okulta en los susesos en la Tierra (astrolojiya). Los gregos izieron importantes kontribusiones a la astronomiya, pero el progreso se detuvo kaji por kompleto en la Edad Media, ekseptado por el echo de algunos astronomos arabes.

Ramas de la Astronomiya

La Astronomiya se divide en varias ramas, en funsion del objekto a estudio, teknika empleada, i aspekto de los astros ke se estudia. Estas ramas no estan kompletamente separadas, sin embargo, i sus interseksiones, ansi komo los astronomos ke lavoran en diferentes areas, son la norma maz ke la eksepsion.

En funsion del objekto de estudio distinguimos espesialidades komo:

• Astrometriya i Mekanika seleste: Estudio de los movimientos de los astros (reales i aparentes) i de las leyes ke los rigen.

• Astrofisika: Estudio de las formas, dimensiones i karakteres de las superfisies de los astros, ansi komo su natura, konstitusion, evolusion i kondisiones fisikas.

• El estudio de los planetas de muestro sistema solar ha sido en tiempos resientes konsiderado una disiplina aparte, yamada Sensias planetarias o Planetolojiya.

En astronomiya, se obtiene informasion prinsipalmente de la deteksion i analisis de la radiasion elektromagnetika. Una division tradisional de la astronomiya se da por las rejiones del espektro elektromagnetiko observadas:

• Astronomiya optika se refiere a las teknikas uzadas para detektar i analizar luz en las lonjitudes de onda ke pueden ser detektadas por el ojo, o muy serka de eyas (alrededor de 400 - 800 nm).
• Astronomiya infrarroja trata kon la deteksion de luz infrarroja (lonjitudes de onda maz largas ke el rojo).
• La Radioastronomiya usa teknikas muy diferentes: para detektar radiasion kon lonjitudes de onda de mm a km, los reseptores son similares a los usados en radiodifusion (ke uza radiasion en estas lonjitudes de onda).

La Astronomiya optika i de Radio puede realizarse uzando observatorios terrestres, porke la atmosfera es transparente en estas lonjitudes de onda. La luz infrarroja es fasilmente absorvida por el vapor de agua, ansi ke los observatorios de infrarrojos deven estableserse en lugares altos i sekos.

En astronomiya de rayos-X, astronomiya de rayos-gamma, astronomiya ultravioleta i astronomiya en el lejano infrarrojo se pueden azer observasiones unikamente desde globos aerostatikos u observatorios espasiales.

Todas las disiplinas previas estan basadas en la deteksion de fotones, ma tambien podemos resivir informasion desde fuera de la Tierra transportada por los rayos kosmikos, neutrinos, i, en un futuro serkano, gravitones (ver LIGO).

Otra division diferente puede ser realizada uzando las rejiones del espasio i los problemas arriva komentados; algunos de eyos son:

• Astronomiya galaktika
• Astronomiya ekstragalaktika
• Formasion i evolusion de las galaksias
• Formasion estelar
• Astronomiya estelar
• kosmolojiya
• Evolusion del universo

Temas relasionados

• Estreyas (katalogo de estreyas)
• konstelasion
• Planetas del Sistema Solar
• Vida en el universo

Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.