Estambol

İstanbul איסטנבול Paiz {{{paiz}}} Pozision   • Altura 100 m Superfisia n/d Povlasion 10.034.830 mor. (2007) • Densidad 6521 ab./km² Jentilisio istanbulit / istanbulenyo /-a Alkalde Kadir Topbaş (Partido de Djustisia i Dezvelopamiento) Pajina web http://www.ibb.gov.tr

Estambol o Istanbul (en turko İstanbul, en grego Κωνσταντινούπολη, istorikamente Bizansio i dempues Konstantinopla) es la mas grande sivdad de la Turkiya i la ultima kapital del Emperio Ottomano. La sivdad es unika pues esta entre Asia y Evropa. Ay una komunidad djudia en Istanbul ke tyene serka de 20 esnogas; la su mas grande esnoga es la Neve Shalom, (Neve Şalom Sinagoğu Vakfı en turko, בית הכנסת נווה שלום en ebreo), Oasis de paz o Vaye de paz, la ke esta en el bairro de Galata. Ay otras máales kon mayor presensia djudia en Istanbul, komo Balat en el lado Evropeo, i Kuzguncuk en Üsküdar, el lado asyatiko de la sivdad.

Istanbul i el Bosfor desde el espasio

Estambol tambien es la kapital komersal de la Turkiya, i de fakto la Bolsa de Valores del paez se enkuentra ayi, endemas de la sede de munshas de las entreprisas mas grandes de la Turkiya, komo Koç Holding A.Ş., Türk Hava Yolları (THY), Türk Otomobil Fabrikasi A.Ş (Tofaş), Avea, Turkcell i Arçelik A.Ş.. Estambol endemas es la kapital kultural de la Turkiya, siendo sede de un festival Internasional de Sinema i sede de mas de kinze muzeos. Endemas, Estambol sera la kapital Evropea de la Kultura enel anyo 2010. Las "Areas Istorikas de Istanbul" fueron agregadas a la Lista Mundial de Erensia de la UNESCO enel anyo 1985.

“	Si la tierra fuese un uniko paez, Estambol seriya la su kapital [1].	”
—Napoleon Bonaparte

Nombres de la sivdad

La sivdad de Estambol a sido yamada de munshas maneras en toda la istoria, dependiendo de la kultura, el idioma y la relijion de los sus governantes en el momento. Bizansio, Konstantinopla, Stamboul i Tsarigrad son alkunos egzemplos ke aun se pueden konsegir en alkunos paezes. Alkunas vezes se a yamado Mueva Roma o Segunda Roma, deke el imperador romano Konstantino el Grande la aperturo donde estaba la antika sivdad gréka de Bizansio como la segunda i totalmente kristiana kapital del Imperio Romano, ke asia diferensia kon la sivdad pagana de Roma. Tambien a sido yamada "La sivdad de las siete kolinas" deke la peninsula ke esta en la parte antika de la sivdad, ánde fue aperturada por Konstantino, tambien tiene siete kolinas, komo Roma. Estas kolinas estan en el eskudo de la sivdad, kon siete mezkitas en kada una. Otro nombre kon el ke se a konosido la sivdad es Vasileousa Polis (Reyna de sivdades), deke la sivdad era muy emportánte i rika en la Edad Media.

Desde ke fue aprobada la Ley Turkana de Servisio Postal enel anyo 1930, el governo turko solisito ofisialmente a los ekstranjeros ke dejaran de yamas a la sivdad kon alkuno de sus nombres no-turkos i uzaran solamente Istanbul, inkluzo en los sus própios idiomas. Las kartas o pakotes embiados a "Konstantinopla", por egzemplo, no fueron entregados por la Pósta Turka. Una politika paresida fue implementada en otras sivdades turkas ke an tenido nombres en otros idiomas, komo "Smyrna" (Izmir), "Angora" (Ankara), "Trebisonda" (Trabzon); esta medida horso la akseptasion mundial rapida de los nombres modérnos turkanos de kada sivdad emportánte en el paez.

Sivdades ermanas

Istanbul tiene 46 sivdades ermanas:

Almaty, Kazakistan Amman, Djordania Atenas, Gresia Baku, Azerbaidjan Barselona, Espanya Beirut, Libanon Berlin, Almania Budapest, Madjaristan Buenos Ayres, Arjentina Busan, Korea del Sud Cairo, Ayifto Caracas, Venezuela Chittagong, Bangladesh Kolonia, Almania Constanţa, Rumania Dubai, Emiratos Arabos Unidos Durres, Albania Florensia, Italia La Habana, Kuba Houston, Estados Unidos Isfahan, Iran Djakarta, Indonesia Jidda, Arabia Saudita Johor Bahru, Malasia

Kabul, Afganistan Kazan, Rusia Khartum, Sudan Lahore, Pakistan Mary, Turkmenistan Odessa, Ukraina Osh, Kyrgyzstan Plovdiv, Bulgariya Praga, Republika Sheka Rabat, Marroko Rio de Djaneiro, Brasil San Petersburgo, Rusia Samarkanda, Uzbekistan Sarajevo, Bosnia i Hersegovina Shanghai, Khina Shimonoseki, Djapon Skopje, Makedonia Estokolmo, Suesia Strasburgo, Fransia Tbilisi, Jeorjia Venesia, Italia Varsovia, Polonia Xi'an, Khina

Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.