Estatua de Zeus en Olimpia
La Estatua de Zeus de Olimpya, del artista grego Fidias, hue konsiderada una de las siete maraviyas del olam antiko i una de las kumbres del arte grego klasiko. Dita obra monumental se topava adientro del Templo de Zeus en Olimpya, una sivdad sagrada de la Gresia antika famosa por los djugos olimpikos. La estatua hue fraguada por Fidias, uno de los eskultores mas renombrados de la epoka, al dorredor del anyo 435 AEK
Arepresentava al dio Zeus sentado en un trono majestuozo, en actitud de autorita y serenita. El su puerpo estava fecho de marfil, mientres ke la su vestidura, detayes del trono i ornamentos incluiyan oro, madera i piedras presiozas, lo ke le donava un aspekto de lujo i solemnita. La estatua mediya aproksimadamente 12 metros de alto, de manera ke el techo del templo paresiya kedar basho su presensya, lo ke provokava una impresion de grandeza i pueder divino en todos los visitantes.
Endemas de la su funsion relijosa, la Estatua de Zeus era un simbol del arte i la kultura grega, amostrando un konosimiento avanzado de la anatomiya, la proporsion i la ekspresión artistika. Arepresentava la relasion entre lo umano i lo divino, un tema sentralo en la relijon grega. Malezozamente, la estatua no tiene yegado fin los muestros diyas; se kreye ke hue destruida entre los sieglos V y VI d.C., posiblemente por un insendio o durante la dekadencia del templo, ama las sus descripsiones antikas y reproduksiones en monedas i relieves permiten imayinar la su magnifisensia.