Ethel i Julius Rosenberg

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Ethel Greenglass Rosenberg (Mueva York, 28 de sietembre de 1915-Ossining, Mueva York; 19 de djunio de 1953) i Julius Rosenberg (Nueva York; 12 de mayo de 1918-Ossining, Mueva York; 19 de junio de 1953) fueron un kuple amerikano ke fue amortado en el fotolyo elektriko, akuzados de ser espiones para la Union Sovyetika. el de eyos fue el primer amortamiento de sitizenos siviles por ser espiones en la istoria de Estados Unidos.

Los dos nasieron i se engrandesieron el famiyas djudias; Julius Rosenberg era enjeniero elektriko, mientres ke su espoza Ethel era aspirante a aktrisa i kantadera. Los dos apartenian a la Young Communist League', la organizasion para mansevos del Partido Komunista de los Estados Unidos.

El oriijin del su djuzgo i amortamiento kale ser bushkado en las filtrasiones de sekretos nukleares ke afitaron tanto en el Sentro de Investigasyon Nukleara de Los Alamos komo en la Universita de Berkeley, en la kuala se topava un numero grande de investigaderos ke apartenian a la siedra politika, espesialmente los sientistos. Un teknisyen del Sentro de Los Alamos, David Greenglass, ermano de Ethel, konfezo pasar sekretos a los sovyetikos i akuzo endemas a su ermana i su kunyado; la su konfezion kavzo ke los Rosenberg fueran arretados, akuzados i metidos en djuzgo por ser espiones.