Gran Tiburon Blanko
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El gran peshe perro blanko (Carcharodon carcharias), konosido endemas komo el gran tiburon blanko, tiburon punta blanka, o gran blanko, es una espesie de peshe perro ke se topa en kaji todos los oseanos. Es la unika espesie konosida de su djenero, Carcharodon. El gran peshe perro blanko es konosido por la su grandesa,[1] kon el mas grande topado ke era una embra de 5,83 m (19.1 pies) de lungeza i pezgando unas 2 toneladas (4400 lb). Ma afilu la majorita de eyos son mas chikos; los machos miden de 3,4 a 4,0 m (11 a 13 pies), i las embras de 4,6 a 4,9 m (15 a 16 pies) en djeneral. D'akodro kon estudio de 2014, se kreye ke la vida de los grandes peshes perros blankos es de fina 70 anyos o mas, por enriva de lo ke los sientistos kreyian, koza ke aze de eyos unos de los peshes kartilajinosos kon mas lunga vida.[2] D'akodro kon este dokumento, los machos yegan a la maduritad seksuala de edad de 26 anyos, ama las embras estan prontas para kitar ijos a la edad de 33 anyos. Estos tiburones pueden nadar kon prestor de 25 km/o (16 mph) por tiempo korto i pueden abashar a unos 1.200 metros (3,900 pies).
Referensias
[trocar | trocar el manadero]- ↑ How Big are Great White Sharks? Smithsonian National Museum of Natural Hustory (en lingua inglesa)
- ↑ Woods Hole Oceanographic Institution. New study finds extreme longevity in white sharks. Science Daily (en lingua inglesa)
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.