Idolo de Kadiz
El Idolo de Kadiz, yamado endemas Koloso de Kadiz, hue un monumento antigo oy pedrido ke, asigun huentes klasikas i medyevales, se topava en la sivdad de Gadir/Gades (oy Kadiz) o en su rededor maritimo. De kostumbre se lo identifika kon una estatua grande dedikada al dio fenisyano Melkart, ke dempues hue konosido komo Herkules en el olam romano. El monumento hue destruido en tyempo almoravide, en el sieklo XII.
Orijin i estado istóriko
[trocar | trocar el manadero]Kadiz hue fundada por kolonos fenisyanos de Tiro a la fin del sieklo IX AEK. Desde el su prinsipyo, la sivdad estuvo atada al kulto de Melqart, dio de guarda de Tiro, relasionado kon la navigasion, el merkado i la proteksion del su puevlo. En tiempo romano, Melqart hue identifikado kon Herkules, i ansina se formo el famozo kulto del Herkules Gaditano, mensionado por munchos eskritores klasikos.
El Idolo o Koloso de Kádiz se mete en este konteksó relijozo i simboliko, komo un monumento ke se veiya desde la mar, ligada al estremo oksidental del mundo konosido en la Antiketa.
huentes antigas
[trocar | trocar el manadero]Eskritores greko-romanos komo Estrabon, Filostrato i Silio Italiko favlan del kulto a Herkules en Kadiz i de ovras monumentales ligadas a el, ama no dan detalyos teknikos klaros de la estatua.
Las favladas mas largas vyenen de huentes andalusíes medyevales, en espesyal:
Al-Idrísí (sieklo XII), en su livro Nuzhat al-Mushtāq, ande mensiona una grande estatua antiga en Kadiz, tenida komo talisman.
Ibn Abí Zar (siglo XIV) i al-Himyárí (siglo XV), ke agrandan el kuento kon leyendas, komo la keyensya ke el monumento eskondiya tesoros del rey Shelomo Ameleh (Sulayman).
Estas huentes amesturan djografiya kon leyendas, komo se favlaba muncho en la eskritura islámica medyeval.
Deskripsyon del monumento
[trocar | trocar el manadero]Asigun los istoriadores de yo i el su estudio de las huentes medyevales:
El monumento no era solo una estatua, sino un konjunto kon una kula de tres puerpos rematado por una piramida kon la estata sovre eya.
La altesa se kalkula entre 50 y 55 metros, asigun medidas en kodos ke trayen las huentes arabos.
La kula era de planta kuadrada de piedra ostionera, i bazia adientro.
La estatua amostrava a Melqart en estilo ayifsiano i estava fraguada en bronze, .
Todo el konjunto sirviya para aktos relijozos, de simbol i de la mar, dunke era una senyal klara para los navigantes ke entravan verso la bahia de Kadiz.
Lugar
[trocar | trocar el manadero]
El lugar eksakto del Idolo de Kadiz no se save kon siguresa. De kostumbre se lo liga al templo de Melqart/Herkules, ke munchos savios piensan ke estava en el islote de Sancti Petri, a la entrada de la bahía gaditana, ama no a aprobas de tiera ke lo amostren.
Destruimiento
[trocar | trocar el manadero]Las huentes andalusis dizen ke el monumento hue destruido en tyempo almoravide, serka del anyo 1145, por mando del gobernador de Kadiz ʿAlí ibn ʿĪsà ibn Maymún. Las kavzas ke se da es la leyenda de ke eskondía el tesoro de Bet Amikdash i pagar kon el al su eshercito abanti el avanse amohade
Dempues de su destruksion, no se topó dingun tesoro i Kadiz hue konkistada por los almohades.
Ultimos estudios
[trocar | trocar el manadero]El investigador de la universita de Malaga Manuel Álvarez tiene propuesto ke la estatua no seriya Melkart, otro ke estariya dedicada al rey Juba I de Numidia[1]