Kabra Kasay
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Kabra Kasay (en ivrit כברה קסאי), nasida el 3 de Ogusto del anyo 1982 en Sudan es una kantadora yisraeliana de orijin etiopiko. Es konosida por modre del Prodjekto Idan Reihel (en ivrit הפרוייקט של עידן רייכל).
Biografiya
[trocar | trocar el manadero]Kabra Kasay nasio en un kampamento de refujiados ke se topa en Sudan, en una famiya de djudios de Etiopia ke ivan en su kamino a Israel, aziendo parte de la yamada Operasion Moshe. Kuando finalmente arivaron al payis, en 1983, ya eya era de edad de un anyo, biviendo primeramente en Ma'alot-Tarshiha i diskues en Kiryat Malahi.
Karriera Musikala
[trocar | trocar el manadero]Kuando izo su servisio militar konosio a Idan Reihel. Kantaron endjuntos en munchas basas de la armada israeliana, i kuando eskaparon su servisio militar, kriaron el Prodjekto Idan Reihel, el kualo yuvo un sukseso grande en todo el payis i en Evropa.
Kabra izo parte de la primera temporada de la version israeliana de American Idol, yamada Kohav Nolad, en la kuala eskapo enel ocheno lugar.[1] La su kantika mas konosida era Abayta, Aloh Hazor (en ivrit הביתה, הלוך חזור), ke sinyifika "Verso kaza, ida i abolta".
En Fevrero de 2017 afirmo un kontrato para gravar un disko kon la kaza musikala Capitol Music, la kuala apartiene a Universal Music. [2]