Kazamiento atrasado

Kazamiento atrasado (en ivrit חתונה מאוחרת, Hatuná meuhéret) es un filmo Franko-Yisraeli del anyo 2001, dirijito por Dover Kosashvili i apresenta a los aktores Lior Ashkenazi i Ronit Elkabetz. Munchos de los personajes del filmo son nasidos en Jeorjia i los dialogos son parsialmente en lashon djudeo-jeorjiano i parsialmente en ivrit. La istorya es orijinal del direktor Dover Kosashvili.

Istorya

Zaza (Lior Ashkenazi) es un ombre Yisraeli-Jeorjiano de 31 anyos ke ainda no esta kazado, ke es un elevo de la Universita de Tel Aviv en prokura de el su Doktorado en Filosofiya, i la su famiya esta tentando arreglar un kazamyento para el, un shiduh, ariento de la komunita djudeo-jeorjiana. Má eyos no konosen ke el esta teniendo una romansa eshkondida kon Judit, una mujer divorsiada de 34 anyos, ke tiene una ninya de 6 anyos. Kuando los sus padres intervienen violentamente para enteromper la su relasiyon kon eya, Zaza debe elijir entre las tradisiones de la su famiya o el amor.

Personajes prinsipales

Lior Ashkenazi komo Zaza
Ronit Elkabetz komo Judit
Moni Moshonov komo Yasha
Lili Kosashvili komo Lili
Aya Steinovitz komo Ilana
Rosina Kambus komo Magouly
Simon Chen komo Simon
Sapir Kugman komo Madona
Dina Doron komo Luba
Leonid Kanevsky komo Otary
Livia Chachmon Ayali komo Margalit
Eli Turi komo Bessik
Maria Ovanov komo Lali

Musika del filmo

La musika del filmo es de Josef Bardanashvili; inklui kansiones folklorikas jeorjianas.

Premieres

El filmo tuvo la su premiére el 17 de Mayo de 2001.

Premios i nominasiyones

Premios de la Akademia del Sinema Yisraelí (2001)

Ganados

Amijor Filmo

Endemas, el filmo fue la nominasiyon ofisial yisraeli para la 74 Entrega de los Premios Oskar en la kategoriya de Amijor Filmo en Lingua Ekstranjera.

Enlasos Eksternos

Ikono de esbozo

Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.