Lingua italo-paulista

La lingua Italo-Paulista o Pavlista es un mekanismo de komunikasion mesklado ke se desarrolló en el estado de San Pavlo, en Brasil, a partir prinsipalmente del kontakto entre variantes dialektales de las linguas veneta y napolitana, de Italia, con el dialekto kaipira, de San Pavlo. La dokumentasion istorika prinsipal de esta lingua fue produsida en poezyias parodikas y kronikas de periodikos en la primera mitad del seklo XX. La variante italo-paulista de la Grande São Paulo es de orijin napolitana, mientres ke la variante de otras lokalidades del estado tiene influensa venesiana i puede ser muy asemejante al Talian, un dialekto veneto-brasileno avlado en el interior de Rio Grande del Sud.

Istoria

La lingua komenzó a se difuzar en 1911, grasias al poeta José Oswald de Sousa Andrade, kreador del la gazeta O Pirralho, de ande, basho el seudonimo Annibale Scipione, publikó kartas imitando la lingua de los italianos de São Paulo. Atras embarkar verso Evropa, Oswald de Andrade invitó a Alexandre Ribeiro Marcondes Machado, ken reemplazó en las publikasiones, estrenando su partisipasion el 14 de oktubre de 1911, basho el seudonimo de Juó Bananère, en referensa al personaje italiano kreado por el pintador Lemmo Lemmi, kuyo nombre se puede traduizir komo "Juan Bananero."

Marcondes Machado fue ken mas ekxploró las posibilidads umoristikas de la lingua, transkribendo i difuzando ella en una eskritura que non seguia un patron uniforme, ma ke sin embargo servía de portavoz de los kolonos italianos de San Pavlo. Para el eskritor Antônio de Alcântara Machado, los kolonos de San Pavlo non avlavan italiano né portugez, la komunikasion se bazava en una meskla de italiano i portugez; el famozo eskritor Monteiro Lobato, que non solo lavoró kon Marcondes Machado, si no ke tambien ayegó a oyir la lingua por las kayes de su sivdad, nombró a este medio de komunikasion komo paulistaliano.

En 2020, en un artikolo de la Universita de San Pavlo (USP), los profesores Rafael Cesar Scabin i Giliola Maggio ayegaran a la konkluzion ke este medio de komunikasion se formó komo una lingua literaria kon munchas variasiones, ma ke asta ke punto esta lingua reflejava el avlar o el dialekto de un grupo sosyal es zor de se saver debido a las opiniones diversas de los autores i prinsipalmente debido a la falta de registros direktos.

Egzempio

Italo-Paulista	Napolitano	Veneto	Italiano	Portugez	Djudeo-Espanyol
arbora	arvero	àlbara	albero	árvore	arvole
amighio	amico	amigo	amico	amigo	amigo
afazé	fà	far	fare	fazer	azer
giovine giovan	giovene	zovane	giovane	jovem	mansevo
inzempro	esempiu	exempio ezempio	esempio	exemplo	egzempio
uomino	ommo	omo	uomo	homem	ombre
mugliere	femmena	dona	donna	mulher	mujer
guaglió	guaglione	bocia	ragazzo	garoto menino	manseviko
vamiglia	famiglia famméglia faméglia	fameja	famiglia	família	familia
pàio	patre	pare	padre	pai	padre
màia	matre	mare	madre	mãe	madre
mio migno	mio mijo	mio	mio	meu	mi
munno	munno	mondo	mondo	mundo	olam
bisservaçò	osservazione	oservasion	osservazione	observação	observasion
dispoza	doppo	drìo	dopo	depois	despues
d'u u	d"o	del	del	do	del
d'a a	d"a	della	della	da	de la
nu u	nel	nel	nel	no	en el

Kontinentes del 'olam

Italo-Paulista	Djudeo-Espanyol
Afriga afrigano	Afrika afrikano
Ameriga du u Nordo nordamerigano	Amerika del Norte norteamerikano
America du u Sulo sulamerigano	America del Sud/Amerika del Sur sudamerikano
Antartiga antartigo	Antartika antartiko
Australia australiano	Australia/Ostralya/Sahul australiano/ostralyano
Azia aziatigo	Asia asiatiko
Oroppa oroppeu	Evropa evropeo

Karakteristicas

• Rotasionismo – Kuando una palavra tiene origen en otras linguas, interkambiar L por R es muy komun, a egzempio de palavras komo armoçà (komer por midi; del portugez "almoçar"), inzempro (egzempio; del portugez "exemplo"), infruença (influensa; del portugez "influência"), arfabeto (alefbet; tal vez del portugez "alfabeto," o tal vez direktamente del napolitano "arfabeto"), entre otras. El rotasionismo se registra tanto en el napolitano komo en el dialekto kaipira, kon ambos teniendo influensa en la lingua de los italo-paulistas.
• Kambio de C por G – pubrigo > público (portugez); ingupaçò > ocupação (portugez); griticca > crítica (portugez); gomme > comme (napolitano)
• Sufijos – ista (ista, komo en "komunista"), isimo (ismo, komo en "djudaismo"), çò (sion, komo en "animasion"), ança (ansa, komo en "esperansa"), toro/tora (tore, komo en "djenitore")
• Pluralizasion – El plural italo-paulista, a diferensia de las linguas italianas, ke utilizan jeneralmente la letra -i, i en algunos kavzos la letra -e, se aze kon el -s, asemejante al Djudeo-Espanyol, siertamente una karakteristika de influensa del portugez. Sin embargo, en la variante italo-paulista del munisipio de Piracicaba, avlada por los desendientes de tiroleses, se konservó el uso de -i komo plural, i la influensa del portugez dio orijin a muevas palavras, komo kazai (kazas), mei (mezes), entre otras.