Lolita Aniyar de Castro
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Lola Rebeca Aniyar Sananes de Castro (Karakas, 8 de mayo de 1937-Maracaibo, 7 de deziembre de 2015) era una politika, akademika i avokata de Venezuela.
Biografiya
[trocar | trocar el manadero]Lolita Aniyar de Castro nasio en la sivdad de Karakas,[1] Venezuela, en una famiya de komersantes de orijin djudio marrokano[2] ke arivaron de la sivdad de Tanjer[3]
Karriera
[trocar | trocar el manadero]Ambezo en la Universita del Zulia en Venezuela, ande aresivio el titolo de avokata. Endemas, aresivio un Master en Kriminolojiya de la Universita Sapienza de Roma i una espesialidad de la Universita Panthéon-Assas, ke apartiene a la Universita Sorbona de Paris. Aresivio el su PhD en Dirito de la Universita del Zulia. Aniyar lavoro komo direktora del Instituto de Kriminolojiya de la Universita del Zulia por mas de 30 anyadas i komo profesora de kriminolojiya en la Universita del Zulia, la Universita de los Andes i en universitas de otros payises de Amerika Latina komo la Universita de Brasilia, el Instituto Brasiliano de Sensias Kriminalas, la Universita de Chile, la Universita Candido Mendes i endemas yego a ser vize-presidenta de la Sosyete Internasionala de Kriminolojiya. En la anyada de 1973, fondo la revista "Capítulo Criminológico", la primera revista de Amerika Latina de Kriminolojiya. Endjunto kon Rosa del Olmo, era la pionera de Amerika Latina en propozar trokamientos enel sistem de djuzgos i priziones basho la Kriminolojiya Kritika, ke bushka amostrar las faltas del sistem penal i korijarlos para la bienfezensia de la sosyete.[4]. Aresivio un doktorat honoris causa de la Universita Nasionala de Kordova, Arjentina en 2008.[5][6]
Politika
[trocar | trocar el manadero]Enel anyo 1994, yego a ser la primera mujer de Venezuela en ser governadora de un estado, kuando Osvaldo Alvarez Paz se esvacheo kon el buto de ser kandidato ala presidensia de Venezuela. [1] Endemas, lavoro komo delegada de Venezuela en la UNESCO i Konsul de Venezuela en New Orleans, Estados Unidos.[4] Izo parte desde 2005 del Komito de Estokolmo, el kualo entrega el Premio Internacional de Kriminolojiya (el premio de kriminolojiya mas emportante del mundo).[7]. Kuando era governadora del Estado Zulia, tenia propozado trokar el servis en la armada, ke era ovligado para todo mansevo de 18 anyadas ke no ambezava, por un servis voluntario; la reushita de este trokamiento enel su estado izo ke la mueva Konstitusion de Venezuela trokara el servis en la armada d'akodro kon el sistem uzado enel estado Zulia.
La su karriera politika la izo enel partito de siedra Movimento al Sosializmo (MAS), kon el kualo yego a ser la primera mujer elekta ala Asamblea del Estado Zulia, i la primera mujer elekta para el Senado de Venezuela por este estado. [8]. Anke el su partito se topa ala siedra del mapa politiko de Venezuela, el su partido i eya eran konosidos por la su oposizion a Hugo Chavez i el populizmo, tanto de siedra komo de dirita.
Famiya
[trocar | trocar el manadero]Lola Aniyar de Castro se espozo kon el doktor Simón Bromberg i diskues kon el poeta José Antonio Castro. Tuvo dos ijos, Dinah Rosa Bromberg i Daniel Castro Aniyar.
Morte
[trocar | trocar el manadero]Aniyar murio el 7 de deziembre de 2015, de edad de 78 anyos en la su kaza de Maracaibo, por kavza de un atako al korason,[9] diskues de aboltar de partisipar en la votasion para la Asamblea Nasionala de Venezuela. La su tomba se topa en la seksion djudia del Betayahim de Maracaibo.
Ovras
[trocar | trocar el manadero]- Victimología (1967)
- Los Rostros de la Violencia, Vol I -Compilatorio (1974)
- Criminología de la reacción social (1976)
- Los Rostros de la Violencia, Vol II -Compilatorio (1977)
- Conocimiento y Orden social. Criminología como legitimación y Criminología de la Liberación (1981)
- Criminologia da Reação Social (1983) (en lingua portugeza)
- Criminología de la Liberación (1987)
- Democracia y Justicia Penal (1993)
- En guante de terciopelo (1993)
- El Zulia que queremos (1994)
- Secretos de Estado y Familia (1996)
- Entre la dominación y el miedo (2003)
- Resumen del Pensamiento criminológico y su reflejo institucional (2003)
- Criminología de los Derechos Humanos (2010)
- Manual de Criminología Sociopolítica -coautoriado con Rodrigo Codino (2013)
- La Lola, Lola (2015)
- Manual de Criminologia Sociopolítica (2016) (en lingua portugeza)
Referensias
[trocar | trocar el manadero]- ↑ a b Falleció Lolita Aniyar, primera gobernadora del país
- ↑ Diccionario de cultura judía en Venezuela: Una mirada inconclusa (Abraham Levy, Jacqueline Goldberg. 2015)
- ↑ Lolita Aniyar de Castro, historia de una profesora y su contacto con la política
- ↑ a b LOLA ANIYAR DE CASTRO: LA PARTIDA DE UNA INDISPENSABLE
- ↑ Falleció Lolita Aniyar de Castro
- ↑ Resolución 426/2008
- ↑ Aniyar de Castro, mujer pionera en la política venezolana
- ↑ Falleció Lolita Aniyar de Castro
- ↑ Lolita de Castro, exgobernadora del Zulia