Malinalco (belediye)

Kale revizar este artikolo
Un artíkolo de la Vikipedya, la ansiklopedya líbera


Ikono de referensias
Ikono de referensias

Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.

Malinalco
מאלינאלקו

Escudo de armas de Malinalco מאלינאלקו
Paiz  Meksiko
Estado  Meksiko
Rejion Rejion Ixtapan
Kavesera Malinalco
Fondasion
Superfisia 186.28 km²
Altura 2100 m.
Povlasion 25 624 mor. (2010)
Alkalde Gerardo Baldemar Chaqueco
Djentilisio {{{djentilisio}}}
Kodigo 15052
Lokalidades
Hoja web

 

Malinalco es uno delos 18 belediyes dela Rejion Ixtapan, del Estado de Meksiko, enel paiz de Meksiko, topa al sud dela entidad. Ay aki una povlasion de 25 624 avitantes, la kavesera del belediye es el kazal de Malinalco.[1] En el belediye se topa una zona arkeolojika azteka en sima del serro, unika fragua monolitika yamada Cuautinchan, endemas ay antiko monasterio agostino del Divino Salvador, una ovra de arte en la arkitektura de los primeros anyos de la konkista espanyola, endemas ay un santuario yamado del Sinyor de Chalma, sentro de peregrins emportante del paiz. Malinalco fue uno de los lugares mas emportantes del Zapatizmo, aki estuvo Emiliano Zapata, kien fue kudiado por personas de Malinalco durante la arrivada en el kazal.

Sin duvida, desde tiempos prekolombinos azta el dia de oy, el belediye tiene muncha istorya i lugares interesantes por konoser, es uno de los belediyes mas visitados por el turizmo en el estado de Meksiko, konta kon sharas i muntanyas para azed espor ekstremo, ansina komo sentros esportivos, tiene un klima bueno tropikal i klima templado umido en la sima de las serraladas. La jente lavora e su mayorita en la agrikultura, otra parte emportante de la ekonomia lokal, el kultivo de maiz, frejol, kalavasa, pimientoniko, tomat, ansi komo la kudia de frutas i zarzavates, grasias a la abundansia de agua dolse.

Etimolojia[trocar | trocar el manadero]

Malinalco, en lingua aborijinala signifika Lugar del yerba del carbonero, el orijen del biervo en lingua nahuatl es Malinalli (yerba del carbonero) i -co (lugar), deriva de una aglutinasion de palavras. El nombre del belediye es por el kazal de Malinalco, la kavesera del belediye.

Istoria[trocar | trocar el manadero]

Los primeros moradores del lugar fueron ombres ke levantavano frutos. Denantes de ke Malinalco fuera okupado por los colhuas, enkavesado por Cuauhtepexpetlatzin; ja avia sido morado kon djente matlazinca, eyos fueron se afinkaron en el Vadi de Matlatzinco, komo en la rejion taraska del Michoacán, del kazal yamado Pirinda, y endemas se kreye ke los okuiltekos o tlahuikas tambien se afinkaron aki; asegun desde el anyo 600 d.C.[2]

Los matlazincas tenían tres tipos de lokalidades: relijiosos, komo Calixtlahuaca i Malinalco; politikos, komo Toluca, ande moravan las otoridades polítiko-administrativas; i lassiviles, ke ikluyian lokalidades minores komo kazales o kaveseras.

Jeografia[trocar | trocar el manadero]

Malinalco topa al sud del estado, konta kon una superfisie de 186.28 km² de territorio. La kavesera o kapital es Malinalco i se topa al norte kon el belediye de Joquicingo, al sudeste kon Zumpahuacán, al este kon el estado de Morelos, al oeste kon Tenancingo. [3]

Orografia[trocar | trocar el manadero]

El belediye es bastante muntanyoso, ay un vadi a 1200 metros por ensima de la mar, ande se afinkaron los asentamientos umanos mas emportantes.

Kima[trocar | trocar el manadero]

El kima del belediye de Malinalco es templado humedo ensima de las muntanyas i tropikal en el vadi de Malinalco. Aki muchiguan los kaktos i los arvoles tropikalos. El mayor kalor es en los meses de Mayo azta Agosto, en invierno ay luvias, anke la temperatura abasha azta 5 grados arriva de zero en la sima de las muntanyas mientres abasho ay klima de 23 a 28 grados asima.

Governo i administrasion[trocar | trocar el manadero]

La kavesera o kapitala del belediye es el kazal de Malinalco, ayi es afinkada la fragua ande governa el ajuntamiento.

Alkalde Periodo
Roberto Poblete Rodríguez 2000-2003
Germán Amilpa Orihuela 2003-2006
Armando Reynoso Carrillo 2006-2009
Gerardo Baldemar Reynoso 2009-2012
Vidal Pérez Vargas 2012-2015
Gerardo Baldemar Chaqueco 2015-2018

Ekonomia[trocar | trocar el manadero]

Antika fragua de Temoanchan.

La agrikultura i el komersio es baza prinsipala dela ekonomia del belediye de Malinalco. Malinalco es un belediye turiztiko, la zona arkeolojika i el santuario del Sinyor de Chalma eran los mayores atraktivos, dempues dela deklarasion de Kazal Majiko, a Malinalco arivan munchos visitantes nasyonales i ajenos; el turizmo es otra parte emportante de la ekonomia del belediye, la osteleria de lusho para bodas i turizmo de la fin dela semana es la prinsipal arivada de dinero.

Turizmo[trocar | trocar el manadero]

El kazal de Malinalco fue deklarado Kazal Majiko (Pueblos Mágicos) por el governo federal, en un programa de Turizmo para kudia de la erensia kulturala del estado; las galana apariensia delas kalejas, las antikas fraguas i el paizaje naturalo, es la baza de la ekonomia; asina komo la zona arkeolojika de Temoanchán, fraguada antikamente de forma monolitika por los aztekos.

Demografia[trocar | trocar el manadero]

Asegun el senso del anyo 2010, ay en el belediye de Malinalco una povlasion de 25 624 avitantes.

Lokalidades Povlasion
Total del belediye 25 624[4]
Malinalco 8 045
San Simón el Alto 2 643
Chalma 1 827
San Andrés Nicolás Bravo 1 535
Xalmolonga 1 019

Espor[trocar | trocar el manadero]

Sentro esportivo Bicentenario de Malinalco.

La charreada es un espor antiko praktikado dentro del belediye, ansina munchos anyos atras. Siendo lugar de tierras umidas, la ganaderia desvelopo en este lugar, los charros fueron ombres kamperos, prinsipalmente krioyos o hazendados ke gustavan de las suertes a kavayo persiguiendo el ganado, desde tiempos koloniales azta oyendia en Malinalco ay charreadas i rodeo de media noche.

Otros esportes praktikados en Apaxco, zon el futbol, el basketbol, el voleibol, las karreras de bisikleta, la natasion, el atletismo, el fronton i el beisbol.

El galano paizaje de Malinalco, es esena de eventos esportivos komo kampo atraviesa de bisikleta de muntanya, rappel, muntanyizmo i otras aktividades esportivas ekstremas.

Ver endemas[trocar | trocar el manadero]

Referensias[trocar | trocar el manadero]

  1. Beleyide de Malinalco (en lingua kastilyana)
  2. Pilar Luna Erreguerena. "El Nevado de Toluca Sitio de Veneración Prehispánica." Arqueología Mexicana Mayo-Junio 2000: 47-49. Impreso.
  3. Belediye de Malinalco, SEDESOL (en lingua kastilyana)
  4. Belediye de Malinalco, SEDESOL, 17 de mayo de 2017.

Atamientos eksternos[trocar | trocar el manadero]

Commons Wikimedia Commons alberga kontenido multimedia sovre Malinalco (belediye)


Estado de Meksiko | Toluca de Lerdo Bandiera del estado de Meksiko
Belediyes Acambay | Acolman | Aculco | Almoloya de Alquisiras | Almoloya de Juárez | Almoloya del Río | Amanalco | Amatepec | Amecameca | Apaxco | Atenco | Atizapán | Atizapán de Zaragoza | Atlacomulco | Atlautla | Axapusco | Ayapango | Calimaya | Capulhuac | Chalco | Chapa de Mota | Chapultepec | Chiautla | Chicoloapan | Chiconcuac | Chimalhuacán | Coacalco de Berriozábal | Coatepec Harinas | Cocotitlán | Coyotepec | Cuautitlán | Cuautitlán Izcalli | Donato Guerra | Ecatepec de Morelos | Ecatzingo | El Oro | Huehuetoca | Hueypoxtla | Huixquilucan | Isidro Fabela | Ixtapaluca | Ixtapan de la Sal | Ixtapan del Oro | Ixtlahuaca | Jaltenco | Jilotepec | Jilotzingo | Jiquipilco | Jocotitlán | Joquicingo | Juchitepec | La Paz | Lerma | Luvianos | Malinalco | Melchor Ocampo | Metepec | Mexicaltzingo | Morelos | Naucalpan de Juárez | Nextlalpan | Nezahualcóyotl | Nicolás Romero | Nopaltepec | Ocoyoacac | Ocuilan | Otumba | Otzoloapan | Otzolotepec | Ozumba | Papalotla | Polotitlán | Rayón | San Antonio la Isla | San Felipe del Progreso | San José del Rincón | San Martín de las Pirámides | San Mateo Atenco | San Simón de Guerrero | Santo Tomás | Soyaniquilpan de Juárez | Sultepec | Tecámac | Tejupilco | Temamatla | Temascalapa | Temascalcingo | Temascaltepec | Temoaya | Tenancingo | Tenango del Aire | Tenango del Valle | Teoloyucan | Teotihuacán | Tepetlaoxtoc | Tepetlixpa | Tepotzotlán | Tequixquiac | Texcaltitlán | Texcalyacac | Texcoco | Tezoyuca | Tianguistenco | Timilpan | Tlalmanalco | Tlalnepantla de Baz | Tlatlaya | Toluca | Tonanitla | Tonatico | Tultepec | Tultitlán | Valle de Bravo | Valle de Chalco Solidaridad | Villa de Allende | Villa del Carbón | Villa Guerrero | Villa Victoria | Xalatlaco | Xonacatlán | Zacazonapan | Zacualpan | Zinacantepec | Zumpahuacán | Zumpango