María Corina Machado
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
María Corina Machado Parisca (Karakas, 7 de Oktobre de 1967) es una politika, enjeniera industriala i profesora venezuelana, fondadora i koordinadera nasionala del movimento politiko Vente Venezuela, ko-fondadora de la asosisasion sivdadina venezuelana Súmate. Fue onorada kon el Premio Nobel de la Pas en 2025.[1]
Machado fue elejida diputada de la Asamblea Nasionala de Venezuela arepresentando el estado Miranda, prinsipiando su mandato en Djenero de 2011, yegando a ser la kandidata kon mas votos en la istorya de la Asamblea Nasionala de este payis.[2] El 21 de Marso de 2014, aksepto lavorar komo «representante alternativa» de Panama en la seduta de la la Organizasion de Estados Amerikanos.[3] Tres diyas dospues, el presidente de la Asamblea Nasionala, Diosdado Cabello, disho a los djurnales ke Machado tenia pedrida su kondision de diputada, deke tenia echo en kontro de los artikolos 149.º i 191.º de la Konstitusion de Venezuela.[3] Esto fue konformado por los djuzgos del payis. En las eleksiones primarias de la opozision venezuelana de 2012, eskapo en treser lugar kon 3,81 % de los votos.
La opozizion venezuelana dechidio aprontar eleksiones primarias en 2023, para las kualas Machado fue la pre-kandidata por el partito Vente Venezuela. Anke el Djuzgo Supremo de Venezuela arreto su karriera politika por 15 anyos el 30 de Djunio de 2023, gano las eleksiones primarias kon 92.35 % de los votos, yegando a ser la kandidata de la Plataforma Unitaria en las eleksiones prezidensialas de 2024 i la shefa de la opozizion, endemas de la mujer ke mas votos tiene aresivido en la istorya del payis. Por modre de los djuzgos ke defendieron la su kandidatura para las eleksiones de 2024, dechidio dar suporte a Corina Yoris, la kuala fue blokada por el Konsejo Nasional Elektoral de Venezuela sin dar una repuesta o razon bazada en las leyes del payis. Dospues suporto a Edmundo González, el kualo reushito en enrejistrando para las eleksiones. Dospues de las eleksiones, el el 9 de Disiembre de 2024 fue yamada komo la viseprezidenta ejekutiva de Venezuela por Edmundo González, anke la rejima de Nicolás Maduro no aksepto los resultados.
Endemas del Premio Nobel de la Pas de 2025, tiene aresividos el Premio Saharov a la Liberta de Konsensia de 2024 (endjuntamente con Edmundo González) del Parlamento Evropeo,[4] el Premio Vaclav Havel de Diritos Umanos de 2024 del Konsejo de Evropa[5] i el Premio Bruno Leoni de 2024 del think tank italiano Bruno Leoni, el kualo suporta las ideas libertarias en Italia i la Evropa.[6]
Referensias
[trocar | trocar el manadero]- ↑ La opositora venezolana María Corina Machado, Premio Nobel de la Paz 2025. El País (en kastilyano)
- ↑ ¿Quién es María Corina Machado, ganadora del Premio Nobel de la Paz? CNN en Kastilyano
- 1 2 Diosdado Cabello: “Machado ya no es diputada”. Deutsche Welle
- ↑ El Parlamento Europeo entregó el premio Sájarov a los líderes opositores venezolanos María Corina Machado y Edmundo González Urrutia. Infobae
- ↑ María Corina Machado gana el Premio Václav Havel de Derechos Humanos del Consejo de Europa. Euronews
- ↑ La líder opositora venezolana María Corina Machado gana el premio Bruno Leoni en Italia. Swissinfo