Meksika

Un artíkolo de la Vikipedya, la ansiklopedya líbera
(Redirijado de Meksiko (grafiya turka))
         
Este artikolo uza la grafiya Turka. Munço mersi por mantener el artikolo uzando este stylo.

Estatos Unitos Meksikanos
Estados Unidos Mexicanos
איסטאדוס אונידוס מיקסיקאנוס
Bandyera Eskudo

Situasión de Meksika
Situasión de Meksika

Kapitala: Sivdad de Meksiko
Şefe de estado: Andrés Manuel López Obrador
Şefe de governo: Andrés Manuel López Obrador
Ekstension: 1 972 550±1 km²
Povlasion: 124 777 324

Por maz enformasyon, mira ver
Meksiko o
Meksika en Wikidata


Meksika (מיקסיקו),[1] o los Estatos Unitos Meksikanos ez un payiz d'Amerika del Nord. Al nord zon loz Estatos Unidos, al sud topa kon la Repuvlika de Guatemala i el Belize, tyene una superfisia total de 1,964,375 km² de territoryo i ez apartajado en 32 entidades federalas yamadas estatos. La kapital es la Sivdad de Meksiko; endemaz ez la sivdad mas grande del payiz, enjuntamente kon la su zona metropolitana, siendo una de laz aglomerasyones mas grandes del kontinente Amerikano i del olam.[2][3] Endemaz el payiz ez atopado entre el Osyano Pasifiko i el Osyano Atlantiko (a la beyra del Golfo de Meksiko i dela Mar Karibeana); por la su posisyon jeografika, el payiz topa adentro de un area estratejika para la ekonomiya. [4]

El payiz ez una repuvlika federala, demokratika i representativa ande ay trez puederes de governo, el pueder lecislativo ke apresenta la Kamara de Diputados i Senadores o Kongreso de la Unyon, el pueder cudisialo ke apresenta la Suprema Korte de Custizia i el su şefe de estato ke ez el prezidente del eşekutivo.[5] La Konstitusyon Politika de loz Estatos Unitos Meksikanos, zon las leyes de esta nasyon soberana, ke apresenta la demokrasia del payiz başo las ordenanzas de diritos i obligasyones para el nifus nasyonalo i ajeno ke mora en el payiz.

En Meksiko ay una povlasyon kontada de 119 530 753 avitantes (senso del anyo 2015),[6] asegun laz leyes del payiz, zon meksikanos los hijos nasidos en otros payizes de sivdadanos meksikanos morantes en payizes ajenos. La mayoria de loz meksikanos avlan kastilyano, ez endemaz, el payiz de mayor povlasyon de avla kastilyana en el mundo,[7] tambyen egzisten meksikanos ke avlan 63 linguas indijenas o nativas amerikanas, komo el nahuatl, maya, mixteko, zapoteko, otomi entre otras.[8]

Es una de laz nasiyones kon una grande rikeza kulturala i es puededora de una erensia istoryika i artistika munço antika ke la UNESCO ha deklarado Erensia Kulturala de la Umanita.[9] Ez un payiz kon munça kultura orijinala i una fuerte infuensia iberika, por lo kualo ez konsiderado enel mundo komo un payiz multikulturalo, multilingualo i multietniko, endemas de aver una grande biodiversita en flora i favna, a kavza de klimas distintos en el territoryo nasyonalo.[10]

En Meksiko ay una ekonomia ekstremada, asegun los sus nivelos de vida zon komparados a paizes komo Almania i Burundi adentro de un mismo territoryo, las desigualtas entre meksikanos zon bastante evidentes.[11] Meksiko kuenta kon rikezas naturales i minerales komo petroleo, lo kualo ez parte emportante del manadero de la su ekonomia, ansina tambyen el desvelopamiento del turizmo por un klima bueno kon galanas i ermozas plajas i una rikeza istoryika, kulturala i artistika.[12]

Etimolojiya[trocar | trocar el manadero]

Kodişe Mendoza, ande representa el glifo del Meksika.

En ciudeoespanyol ay dos nombres de uzo para el nombre del payiz, la etimolojiya es ladinada komo Meksiko[13] o Meşiko, kuyo orijen es dela lingua nahuatl, la suya intepretasyon del biervo Mexihco, el kualo siknifika Lugar del dyo Mexihtli, una representasyon de Huitzilopochtli.[14] Otra versyon diz ke signifika Lugar en el ombeliko dela luna, asegun se diz ke proviene de metztli (luna), xictli (ombeliko) i -co, de lugar.[15]

Endemas se kreyia asegun ke durante la kolonya espanyola el dio Mexitli era el una transliterasyon del ebreo Meşias. Fransisco Javier Clavijero, asegun kien intepreto la etimolojiya de Meşiko kon orijin kombinado del nahuatl i del ebreo, del biervo ebreo de Maşiah i del biervo nahuatl de ko komo lugar, signifikando Tyerra del Maşiah. Endagora se tiene deformada la su palavra orijinala del Meksiko.

En kaştilyano se diz México i Méjico, el su nombre ofisialo es Estados Unidos Mexicanos, otro nombre komun es Repuvlika Meksikana. La avreviasyon del payiz es MX o MEX, se uza prinsipalmente para kodigos.

Istorya[trocar | trocar el manadero]

El adam amerikano povlo el territoryo del aktualo Meksiko 30,000 anyos atra. La Mueva Spanya hue un territoryo ke pertenezio a la Reyno d'Espanya.

Jeografiya[trocar | trocar el manadero]

Indemas, Meksiko se topa entre las sus koordinadas 32° i 14° nord i 86° i 118° oeste;[16] jeografikamente se konforma por una grande masa kontinentala de la plaka norteamerikana, al oeste se topa la Peninsola de Başa Kalifornya i aleste se topa la Peninsola de Yukatan, al zentro es el Altoplano Centralo una planada serkada por katenas muntanyosas ensima de 2000 metros de altitud, tyene otras posesyones minores no kontinentales komo las Izlas Revillagigedo, las isolas Marias, la isola Guadalupe, la isola Tuburón, la isola Cedros, la izla Cozumel y el banko Chinchorro.

Governo y administrasyon[trocar | trocar el manadero]

Organizasyon teritoriala[trocar | trocar el manadero]

Politikamente, Meksiko es apartajado en 32 entidades federalas, la su kapital politika es la Sivdad de Meksiko, sede ande kedan todos los poderes de governo. Kada estato o entita federala tyene soberaniya propia, leyes propias i symbolos propios, pero todos estos, sertamente estan sujetos a la Kostitusyon Politika de los Estatos Unitos Meksikanos.

Kada estato esta atartajado en belediyes, el su representante de governo es el alkakde i el su korpo admnistrativo del ajuntamiento, los belediyes tyenen una kavesera o kapitala del belediye komo sede del governo lokal. Las sus leyes lokalas zon representatas por el Bando Municipal de Policía y Buen Gobierno, ande se diktan las reglas de urbanita i komportamiento sivdadano.

Estato Abreviasyon Kapitala Anyo de kreasyon Area (km2) Povlasyon Belediyes
Aguascalientes MX-AGS Aguascalientes 1857 5 623 1 184 996 11
Basha Kalifornia MX-BC Mexicali 1952 71 546 3 155 070 5
Basha Kalifornia Sud MX-BCS La Paz 1974 73 943 637 026 5
Campeche MX-CAM San Francisco de Campeche 1863 57 727 822 441 11
Chiapas MX-CHP Tuxtla Gutiérrez 1824 73 681 4 796 580 115
Chihuahua MX-CHI Chihuahua 1824 247 487 3 406 465 73
Coahuila MX-COA Saltillo 1824 151 571 3 055 395 42
Colima MX-COL Colima 1856 5 627 650 555 10
Durango MX-DGO Victoria de Durango 1824 123 367 1 632 934 45
Guanajuato MX-GTO Guanajuato 1823 30 621 5 486 372 11
Guerrero MX-GRO Chilpancingo de Bravo 1849 63 794 3 388 768 11
Hidalgo MX-HGO Pachuca de Soto 1869 20 856 2 665 018 84
Jalisco MX-JAL Guadalajara 1823 78 630 7 350 682 125
Meksiko MX-MEX Toluca de Lerdo 1823 22 333 15 175 862 125
Michoacán MX-MIC Morelia 1823 58 667 4 351 037 120
Morelos MX-MOR Cuernavaca 1869 4 892 1 777 227 33
Nayarit MX-NAY Tepic 1917 27 862 1 084 979 35
Muevo Leon MX-NL Monterrey 1824 64 203 4 653 458 11
Oaxaca MX-OAX Oaxaca de Juárez 1823 93 343 3 801 962 450
Puebla MX-PUE Puebla de Saragosa 1823 34 251 5 779 829 225
Querétaro MX-QRO Santiago de Querétaro 1823 11 658 1 827 937 11
Quintana Roo MX-ROO Chetumal 1974 42 535 1 325 578 11
San Luis Potosí MX-SLP San Luis Potosí 1823 61 165 2 585 518 11
Sinaloa MX-SIN Culiacán Rosales 1830 57 331 2 767 761 25
Sonora MX-SON Hermosillo 1824 184 946 2 662 480 80
Tabasco MX-TAB Villahermosa 1824 24 747 2 238 603 11
Tamaulipas MX-TAM Sivdad Victoria 1824 80 148 3 268 554 40
Tlaxcala MX-TLX Tlaxcala de Xicohténcatl 1856 4 016 1 169 936 43
Veracruz MX-VER Xalapa de Enriquez 1823 71 856 7 643 194 250
Yukatan MX-YUC Mérida 1823 39 671 1 955 577 110
Zacatecas MX-ZAC Zacatecas 1823 75 416 1 490 668 43
Sivdad de Meksiko MX-CDMX 1824 1 479 8 851 080 12

Ekonomiya[trocar | trocar el manadero]

Meksiko es una de las prinsipalas ekonomiyas dela Amerika Latina, a nivel mundial es un territoryo byen ubikato, lo ke desvelopa la industriya petrolera, el komersyo i el turizmo komo prinsipalas fuentes de kapital. La su moneda es el peso meksikano, endemas el dolar amerikano es una prinsipala divisa ke se uza para el komersyo i la eksportasiyon al eksterior del payiz para merkar.

Demografiya[trocar | trocar el manadero]

Tyene un nifus por asima de 120 milyones de personas, la mayor parte bive enel Vaye de Meksiko, partikularmente en Sivdad de Meksiko i Estado de Meksiko, aldredor de El Bajío enel oeste del payiz i sivdades kon la frontiera estatounidense.

Edukasyon[trocar | trocar el manadero]

En Meksiko se topan empostantes institusyones edukativas komo la Univertita Otonoma de Meksiko.

Kultura[trocar | trocar el manadero]

Murales de Bonampak (Chiapas).

Meksiko es una delas nasyones mas puededoras en patrimonyo kulturalo, la tyerra hue povlada endenantes, desde miles de anyos atras, los primeros ombres aborijinalos deşaron objetos preyistorikos de la presensya umana enel territorio. Las sivilizasyones prekolombinas y el periodo kolonialo espanyol deşaron una rika erensia kulturala en arkitektura, muzika, pintura, danza, teatro, literatura, eskultura y kuzina. Komo nasyon independiente, el buto hue kriar muevas manisfestasyones artistikas komo el filmo y el teatro, entre los akavdalados meksikanos del sieklo XIX. En anyos akturales, durante el sieklo XX y seklo XXI, Meksiko es una nasyon de emportantes manifestasiones kulturalas komo el filmo, el muralismo, el djunalismo, el muevo teyatro y la mueva danza.

Espor[trocar | trocar el manadero]

Ulama, espor orijinario de Meksiko, djogado en Sinaloa.

Los esportes se cogan ansina desde tiempos prekolobinos por los aborijinalos de estas tyeras, el tlachco arkitektonikamente era un kampo esportivo para cogo de pilota, ay evidensia deyo adentro de zonas arkeolojikas en diversas sivdades prekolombinas.[17]

Uno de los cogos nativos es el ulama, espor ke usa una pilota de piel, es cogado en el estado de Sinaloa.

La charreria se konsidera el espor nasyonalo delos meksikanos.[18] Este espor komenzo delas sus fayenas delos jinetos enlas haziendas ganaderas de la vita rurala, Los Llanos de Apan i Calpulalpan zon konsiderados komo la kuna de la charerria. El su orijin data de la epoka koloniala espanyola.

El futbol es uno delos esportes mas cogados enel payiz, ay ekipos de primera divisyon y ekipos de sigunda divisyon enlas grandes ligaduras.

Los cogos olimpikos hueron selevrados enel anyo de 1968, la Sivdad de Meksiko hue sede del evento esportivo.

Refrensyas[trocar | trocar el manadero]

  1. Ladina, Lengua y cultura. Tadradas kulturales i folklorikas, 24 de agosto de 2016.
  2. [1]
  3. Metropolis de América del Norte Metropolitan Policiy Program, Brookings, 2 de agosto de 2017.
  4. Denise Dresde El Universal, jurnal meksikano; 22 de ochobre de 2017.
  5. Konstitusyon Politika de los Estatos Unitos Meshikanos Ultima Reforma, 10 de fevrero de 2014.
  6. INEGI 2015 Resultados de encuesta 2015, 29 de septiembre de 2017.
  7. Don Quijote
  8. Linguas indijenas nasionalas INALI. 22 de ochobre de 2017.
  9. UNESCO
  10. Meksiko paiz megadiverso La Jornada. 2 de agosto de 2017.
  11. En Metlatónoc, el belediye más prove del payiz. (en lingua kastilyana) Crónica. 29 de diziemvre de 2016.
  12. Plajas virjines de Meksiko Forbes. 5 de noviemvre de 2017.
  13. Sefaradimuestro.. (en lingua djudeo-espanyola)
  14. Orijin del nombre Mexihtli.. Revista Vida Diplomática. (en lingua kastilyana)
  15. [2]
  16. INEGI Koordinadas jeografikas de Meksiko.
  17. El deporte en la vida de los mexicanos.
  18. Charreria, representación simbólica de los mexicano. México Desconocido.