Monako

Monaco
Principauté de Monaco
פרינזיפדו דא מונאקו
Prinsipado de Monako


Bandyera	Eskudo

Kapitala:	Monaco-Ville
Mayor sivdad:	Montecarlo
Linguas ofisialas:	Fransez
Forma de governo:	Monarkiya
Moneda:	Euro
Şefe de estado:	Alberto II de Mónaco
Şefe de governo:	Didier Guillaume
Ekstension:	2,02 km²
·% agua:	0%
Povlasion:	38 350
·Densidad:	18985.1 ab/km²
PIB:	USD 8,6 milyardas
Kodigo ISO:	MC / MCO
Prefikso telefonika:	+377
Dominasion de internet:	`.mc`

El Prinsipado de Monako, konosido tambien komo Monaco en franses i Monegu en el dialekto lokal, es el dosen paez má chiko del mundo i el má densamente povlado. Lokalizado entre la Mar Mediterranea i Fransia en la beira de la Riviera fransesa, tambien yamada la Cote d'Azur (la Beira Mavi).

Istorya

Artikolo prinsipal: Istorya de Monako

Monako, dominada por diversos puevlos, komo los fenisios, gregos, romanos, frankos i otros, iva ser governada por los jenovezes fina el anyo 1297, enel kualo la famiya de los Grimaldi reinaron enel payis asta los tiempos aktuales. En este estado se iva estableser una baza de las naves ke iban a Tierra Santa o Medio Oryente. Protejido por Espanya i diskues por Fransia, Monako iva ser invadido durante la revolusyon fransesa en 15 okasiones. Diskues de la muerte de Rainiero el 6 de Avril de 2005, el su ijo Alberto se troko en el shefe del estado con el nombre de Alberto II. Durante el governo de Rainiero III se ivan aser munchas reformas profondas a la estruktura monegaska.

Governo

Monako es governado por una monarkiya konstitusionala desde 1911, kon el Prinsep komo Shefe de Estado. Endemas, el Pueder ejekutivo lo tiene el Ministro de Estado (Shefe de Governo), el kualo es el shefe del Konsejo de Governo, konformado por 4 miembros. El Ministro del Estado es un sitizeno fransez yamado por el prinsep, el kualo es tomado de entre otros kandidatos propozados por el governo de Fransia, el kualo kudia de la seguridad i la defensa del payis.

Asigun la konstitusiyon de 1962, el Prinsep partaja el su pueder kon una asamblea de una sola kamara yamada el KOnsejo Nasional. Los 24 miembros del esta kamara son echos miembros por modre de eleksiyon direkta i demokratika por 5 anyos. Entre los sus lavoros se topa azer las leyes. Los prinsipales asuntos de la sivdad son kudiados por el Konsejo Komunal, el kualo esta echo por 15 miembros i un alkalde, los kualos azen lo ke este en menester para el dezvelopamyento sitizeno.

Jeografiya

No se topan munchas karakteristikas jeografikas deke el payis no yega a tener mas de 2 km². Desde 1990 i fina 2005 se izieron lavoros para kitar de la mar unas 24,8 ektáreas. El Prinsipado tiene endemas lavoros de fraguamyento de terrasas en akeyas rejiones eskarpadas. El payis se puede dezir ke tiene 2 rejiones diferentes:

Las montanyas: Esta rejión se topa al nord del payis. La su temperatura promedio es de 15 °C enel anyo.
La beira: Esta rejión se topa yena de fraguas i kazalinos. La su temperatura promedio es de 17 °C.

El prinsipado tiene temperaturas de enverano de 33 °C i en envierno de 16 °C. El su klíma es de tipo mediterráneo.

Ekonomiya

El turizmo aze yegar munchos turistos al payis kada anyo, por modre del klima bueno i la imaje de vida buena i de lukso del payis, muchiguada por los kasinos. El PIB per capita es mayor a los U$30.000. Enel anyo 2001 se fraguó una mueba parte del porto uzado para las naves de kruseros. El Prinsipado endemas tiene endustrias i entreprisas chikas ma kudiadozas del entorno i la natura.

Monako no aze parte de la Union Evropea, ma tiene muncha liasion kon eya por modre de la su union komersiala kon la Fransia, por lo kualo uza las mismas parás: el euro i tiene el dirito de fabrikar parás de euro kon desinyos propios del payis en la su kara nasionala.

Demografiya

El Prinsipado de Monako tiene 35.656 avitantes, de los kualos solo un 16% son monegaskos, de relijión katolika, la kuala es la relijión ofisiala del payis. El resto está echo por inmigrantes, espesialmente fransezes i endemas italianos.

El payis tiene 3 distritos: Sivdad de Monako, ke es el sentro polítiko i ekonomiko; al este del payis se topa el es distrito turístiko del kualo es famozo el Kasino de Montecarlo; i La Condomine, ke se topa al oeste del payis, es el distrito ekonomiko i ande se topan las entreprisas industrialas de Monako. Endemas, es el payis mas urbanizado de la Evropa. Los sitizenos no tienen menester de pagar impuestos.

La lingua ofisiala es la lingua fransesa, ma se avla muncho la lingua italiana i la lingua monegaska.