Moshav
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Un moshav (en ebreo: מוֹשָׁב, moshav; plural: מוֹשָׁבִים, moshavim; «asentamyento», «povlasyon») es un tipo de komunita agrikola kooperativa israeliana, paresida al kibuts, konformado por chiflikes individualos i suportado por el zionismo lavorista durante la Dosena Aliya (de 1904 a 1914).[1] Una chika diferensia ke tiene kon el kibuts es ke la proprieta privada ainda egziste arientro del moshav.
Orijin
[trocar | trocar el manadero]El primer moshav, Nahalal fue fondado en el valey de Jezreel el 11 de Sietembre de 1921. En 1986, unos 156.700 israelianos moravan i lavoravan en 448 moshavim; la majorita de eyos apartienen a una de 8 federasiones.
Diferensias kon el kibuts
[trocar | trocar el manadero]Komo el moshav guadro la famiya komo el sentro de la vida sosyala de la komunita, era muy muncho mas atraktivo para los olim sefardis i mizrahis en la anyada de los 50 i empesijos de los 60, deke en el moshav mankavan eksperimentos komo elevar las kreaturas endjuntas de modo koumnitario o la igualitad de los seksos, ke afitava en los kibutsim. Estos yamados moshavim de olim (ebreo: מושב עולים, moshav olim) fueron una de las formas mas kullaneadas i riushudas de integrasion de djudios mizrahis; reushitaron kreser ekonomikamente verso la klasa mediana mas pishin ke los olim ke se topavan en las maabarot o sivdades en desvelopamiento. Por eso, el moshav prinsipio a ser lisionado kon la kultura mizrahi i sefardi, mientres ke los kibutsim son konsiderados parte de la kultura ashkenazi en Israel.
Ver endemas
[trocar | trocar el manadero]Atamientos eksternos
[trocar | trocar el manadero]Referensias
[trocar | trocar el manadero]- ↑ Sofer, Michael. The rural space in Israel in search of renewed identity: The case of the moshav. Journal of Rural Studies Volume 22, Issue 3, July 2006, Pages 323-336 (en inglez)