Neptuno
Neptuno (simbolo: ♆) es el ochen y mas leshano planeta del Sol en muestro Sistem Solar. Es el kuatreno planeta mas grande por su diametro i el treseno por la su maza. La maza de Neptuno es 17 vezes la de la Tierra i levemente mayor ke la de Urano. Neptuno es un "djigante yelado", yamado ansina por su komposision de akua, amonyako, i metano, a diferensia de los djigantes de gaz (Djupiter i Saturno) fechos prinsipalmente de idrojeno i elio.
Deskobrimyento i Nombre
[trocar | trokar el manadero]Neptuno fue el primo planeta deskubierto a traverso de kalkulasyones matematikas en lugar de observasyon empirika direkta. Las irregulasiones en la orbita de Urano fizyeron ke los sientistas sospecharan la presensya de un planeta no visto ainda. Jean Joseph Le Verrier, de Fransia, i John Couch Adams, del Reyno Unido, fizyeron kalkulasyones independyentes. El planeta hue observado por prima vez por Johann Galle i Heinrich Louis d'Arrest el 23 de Setiembre de 1846, muy serka de la posisyon predicha por Le Verrier.
El planeta resivyo el nombre de Neptuno, el dios romano de la mar, sigiendo la tradisyon de nombrar los planetas por deitas grekoromanas.
Atmosfera i Klima
[trocar | trokar el manadero]La atmosfera de Neptuno esta formada prinsipalmente por idrojeno (80%), elio (19%), i una chika kantita de metano (1.5%). El metano le da al planeta su karakteristika kolor blu intensa, mas huerte ke el de Urano, endemas de otros komponentes atmosferikos ke kontribuyen a este kolor.
Neptuno es konosido por sus fyertes vientos, los mas rapidos del Sistem Solar, alkanzando velositas de fina 2.100 kilometros por ora. En la atmosfera de Neptuno ay grandes tormentas, komo la "Gran Tacha Eskura", observada por la sonda espaciala Voyager 2 en 1989. Esta tacha es un sistema
Aniyos i Lunas
[trocar | trokar el manadero]Neptuno tyene un sistema de aniyos planetarios, ama chikos i menos visivles ke los de Saturno. Fueron deskubiertos en los anyos 80 i konfirmados por la Voyager 2. Estos aniyos estan kompuestos por partikulas de polvo muncho chikas.
Aktualmente se konosen 14 lunas al rededor de Neptuno. La mas grande i konosida es Triton, la kuala es unika entre las lunas grandes del Sistem Solar porke tyene una orbita retrograda (en la direksyon opuesta a la rotasyon de Neptuno), lo ke sugiere ke fue kapturada de la sintura de kuiper por el planeta. Triton es un mundo xeado i aktivo jeolojikamente, kon jeysers de azoto likido.
Eksplorasyon
[trocar | trokar el manadero]La unika sonda espacial ke a vizitado Neptuno fue la Voyager 2, la kuala paso serka del planeta en ogosto de 1989. Proveyo las primeras imajenes serksnas i detalyadas del planeta, las su lunas i aniyos.