Resident Evil
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Resident Evil (konosido en Djapon komo Biohazard) es una serie de djugos de video de terror i surbivensia, kriada por la kompanyiya djaponeza Capcom. El primo djuego hue publikado en 1996 para la konsola PlayStation, i tuvo un grande impakto en el djenero de terror en los djuegos de video.
La serie es famoza por su atmosfera eskura, las sus istoryas de virus biolojikos, zombis, i otros chanavares, ansi komo por el menester de azer buena estratejia i la mankansa de armas i rekursos.
Istorya
[trocar | trokar el manadero]La istorya de Resident Evil se konsentra en las konsekuensas de eksperimentos biolojikos, sovre todo el virus-T, dezvelopado por la Umbrella Corporation. Estos eksperimentos traen a la transformasyon de benadames i animales en zombis i chanavares. Munchas de las aventuras afitan en la sivdad de Raccoon City, ande el virus se esparte i kavza una katastrofa grande. Los protagonistas luchan para surbivir i para deskuvrir la vedrad ke afita kon Umbrella Corporation.
Djugabilita
[trocar | trokar el manadero]Los primeros djuegos de la serie son konosidos por tener:
- Kamara fiksa
- Movimentos limitados
- Amunisyon eskasa
- Rompekavesas para avansar
Avagar avagar, la serie troko el su estil. Versiyones mas muevas, komo Resident Evil 4, apresentaron una kamara detras del personaje i mas aksyon, ama otras versiyones, komo Resident Evil 7 i Resident Evil Village, tornaron a una eksperiensia de terror mas intensa, en prima persona.
Personajes prinsipalos
[trocar | trokar el manadero]Entre los personajes mas konosidos de la serie estan:
- Chris Redfield, un askier i membro de huerzas espesialas
- Jill Valentine, eksperta en eksplosivos i taktiks
- Leon S. Kennedy, polis ke se torna eroiko
- Claire Redfield, ermana de Chris
- Albert Wesker, antagonista prinsipiala en munchos djugos
Enfluensia
[trocar | trokar el manadero]Resident Evil es una de las series mas emportantes en la istorya de los djugos de video. La serie enfluensio munchos otros djugos de terror i surbivensia. Aparte de los djugos, Resident Evil hue adaptado en:
- Filmos
- Series de televizyon
- Novelas
- Komiks
La serie kontuneo a ser popular en todo el mundo, kon muevas versiyones i remakes de titolos klasikos.