Sami Levi
Sami Levi es un kantadero i musiko sefardi de la Turkiya, konosido por la su partisipasion enel grup Sefarad.
Sami nasio el 13 de Avril de 1981 en Estambol[1] i akabó el kolej enel anyo 1998, en la eskola Göztepe Lisesi de esta misma sivdad. Ya en la su chikés, kuando estava enel djardino de ninyos, empiesó a tener kontakto kon la musika i amostrar el su entereso por eya.
El su kontakto kon la musika en djudeoespanyol[trocar | trocar el manadero]
Sami empiesó a aprender kantikas en djudeoespanyol kon la su bavá, desde chiko. Es komun en las famiyas sefardis de la Turkiya ke los mayores avlen sólu djudeoespanyol entre eyos, i la bavá de Sami avlava a el en este lashon. En la su famiya, Sami konosió las kantikas tradisionalas de la komunita sefardi.
Enel anyo 1996, konose a Cem Stamati, i antonses endjunto a Ceki Benşuşe [2] dempues desiden kriar el grup musikal Sefarad, enel kualo Sami es el kantadero lider[3]. Resyentemente empiesó la su karriera komo kantadero en solo, en la kuala tiene dos diskos, uno un maksi-single, Hade Hade Duke Duke[4] i un album kompleto, Disco Kolbastı ve Balkan Havaları[5][6][7]
Diskografiya[trocar | trocar el manadero]
- Hade Hade Duke Duke (2008)
- Disco Kolbastı ve Balkan Havaları (2009)
- Seve Seve (2011)
Referensias[trocar | trocar el manadero]
- ↑ Okimdir.com: Quién es Sami Levi? (en turkano)
- ↑ Contemporary Practice of the Traditional Jewish-Spanish (Ladino) Music Repertoire in Turkey: The Revival Just Begun. Hadass Pal-Yarden, Universita Politéknika de Estambol
- ↑ "Estamos prontos para defender la muestra erensia". Sami Levi, Cem Stamati i Ceki Benşuşe, entrevistados por el su má resyente disko, "Evvel Zaman" (en turkano)
- ↑ Erol Köse Production: Sami - Hade Hade - Duke Duke
- ↑ SosytetiqHaber.com
- ↑ Hadigel.net: Sefarad Sami - Disco Kolbastı ve Balkan Havaları
- ↑ SEFARAD / ספרד :"Divertimento ladino en İstanbul" (en Kastilyano)
Atamientos eksternos[trocar | trocar el manadero]
Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.