Saturno
Saturno es el sinkeno planeta del Sol i el doseno mas grande de muestro sistem solar, dospues de Djupiter. Es un djigante gaseozo konocido por el su espektakular sistem de aniyos, visivle desde la Tierra. Resive el su nombre del dio romano Saturno, el dios de la agrikultura.
Karakteristikas Prinsipalas:
[trocar | trokar el manadero]Tamanyo i Maza
[trocar | trokar el manadero]Saturno tiene un radio promedio de unas 9 las veses el de la Tierra. El su volumen es sufisiyente para tener 740 veses la Tierra, ama la su maza es solo 95 veses la terrestre, lo ke la faze un planeta de muy basha densita. La su maza es un tersio de la de Djupiter. El su kampo magnetiko es menos huerte ke el de Djupiter, ama muncho mas huerte ke el de la Tierra, prodjuziendo auroras en los sus polos.
Kompozision
[trocar | trokar el manadero]Saturno esta fecho prinsipalmente de idrojeno i elio, kon chikas kantitas de amoniako, metano i otrunos elementos. No tiene una superfisye solida definida, otro ke gaseoza, ama en el su interior tiene un nukleo rokozo rodeado de idrojeno metaliko likido i una kapa de idrojeno i elio likidos.
Densita
[trocar | trokar el manadero]Saturno es el uniko planeta del sistem solar ke la su densita promedio es menor ke la del agua (0.69 g/cm³). Teorikamente, podriya flotar en un oseano sufisiyentemente grande.
Aniyos
[trocar | trokar el manadero]La karaktersitika mas distintiva de Saturno es el su huerte i estenso sistem de aniyos, fecho prinsipalmente de partikulas de yelo i roka ke van desde el tamanyo de polvo hasta metros. Estos aniyos se extienden por mas de 200,000 km, ama el su grosor es solo de unos 5 a 15 metros. Se kreye ke son restos de un asteroide o kometa ke tuvo un chok kon otruna de las lunas de Saturno. Las ejeksiones de agua de los geiseres de la luna Enselado amunchiguan la kantita de yelo de los aniyos.
Rotasion i Atmosfera
[trocar | trokar el manadero]Saturno tiene una rotasion muncho presta, kompletando un diya en unas 10.7 loras. Dita presta rotasion, djunto kon la su natura fluida, la faze visivlemente achatada en los polos. Los vientos en la su atmosfera superior pueden yegar a 1,800 km/h. Saturno es endemas konosido por la su tormenta eksagonala persistente en el su polo norte.
Lunas
[trocar | trokar el manadero]Saturno tiene el major numero de lunas konfirmadas en el sistem solar, kon mas de 146 lunas. Entre las mas emportantes estan Titan, la dosena luna major del sistem solar, kon una atmosfera densa de nitrojeno i lagos de metano; Enselado, kon aktividad djeloika ke sujiere la prezensia de agua likida; i Mimas, kon el su krater Herschel ke la da un aparensia similar a la Estreya de la Muerte.
Emportansa en el Sistem Solar:
Saturno, djunto kon Djupiter, aktua komo un djigante protektor, desviando o kapturando asteroides i kometas ke podriyan amenasar a los planetas interiores.
Eksplorasion
[trocar | trokar el manadero]Misiones komo la nave espacial Cassini tiene revelado detalyos emportantes sovre Saturno, los sus aniyos i las su lunas. El Teleskop Espasial James Webb (JWST) tiene endemas proporcionado detalyos atmosferikos i de aniyos ke no eran visivles denantes.