Sinema mudo
El sinema mudo es la prima epoka de la istorya del sinema, kuando los filmos no teniyan son gravado. En dita epoka, las istoryas se kontavan kon imajines, jestos de los aktores i karteles eskritos ke aparesiyan entre las shenas. El sinema mudo hue la forma prinsipala del sinema desde el fin del sieklo XIX fina los anyos 1920, kuando ampesaron a apareser los filmos kon son.
Istorya
[trocar | trokar el manadero]El sinema ampeso a la fin del sieklo XIX kon las invensiones de los primos aparatos para filmar i amostrar imajines en movimiento. Entre los pioneros estavan los ermanos Lumière, ke en 1895 fizieron una de las primas proyeksyones publikas en Paris. Estos primos filmos eran muy kortos i amostravan shenas de la bida de kada diya, komo lavoradores saliendo de una fabrika o un tren entrando en la estasyon.
En los anyos sigientes, el sinema se dezvelopo muncho. Direktores i produktores ampesaron a kontar istoryas mas largas i kompleshas. En este tiempo nasieron munchos jeneros del sineme, komo la komedia, el drama i los filmos de aventura.
Karakteristikas
[trocar | trokar el manadero]El sinema mudo teniya unas karakteristikas partikulares:
- Intertítulos: karteles eskritos ke esplikan el dialogo o la parte de la istorya.
- Aktorado ekspresivo: los aktores uzavan jestos grandes i espresyones de kara para amostrar las emosiones.
- Muzika en bivo: en munchos sinemas un pianista o una orkesta tanyeva muzika durante la proyeksyon del filmo.
- Blanco i preto: la mayoriya de los filmos eran en blanco i preto, anke en vezes se uzavan kolores pintados sovre la pelikula.
Aktores i direktores emportantes
[trocar | trokar el manadero]El sinema mudo tuvo munchas figuras emportantes. Entre los aktores mas konosidos estavan Charlie Chaplin, Buster Keaton i Harold Lloyd, famozos por las sus komedias fizikas. Entre los direktores emportantes se topavan D. W. Griffith, ke desvelopo munchas teknikas narrativas del sinema.
El fin del sinema mudo
[trocar | trokar el manadero]A finales de los anyos 1920 aparese el sinema kon son, yamado simema sonoro. Uno de los primos filmos largos kon son sinkronizado hue The Jazz Singer (1927). Dospues de esto, el sinema mudo ampeso a desapareser poko a poko, anke el su estil i las sus teknikas kontinuan influensyando el sinema moderno.
Importansya
[trocar | trokar el manadero]El sinema mudo es konsiderado una parte muncho emportante de la istorya del sinema. En esta epoka se krearon munchas de las bazas del lenguaje sinematografiko, komo el montaje, los planos i la manera de kontar istoryas kon imajines. Munchos filmos mudos son oy en día konsiderados klasikos del arte del sinema.