Sistem solar
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El Sistem Solar es una parte de la galaksia Via Laktea arientro del Universo; esta konformado por el Sol, el kondjunto de puerpos ke entornan al su deredor i el espasio interplanetario ke se topa entre eyos. En la aktualita se konosen mas de una diezena de sistemes planetarios ke entornan otras estreyas, i mas de una sientena de estreyas en las kualas se tiene topado a lo manko un planeta.
Klasifikasion de puerpos espasialos
[trocar | trocar el manadero]D'akodro kon sus karakteristikas, los puerpos ke konforman el Siste Solar se klasifikan en:
- Sol, una estreya de tipo espektral G2 ke kontiene mas del 99% de la masa del sistema.
- Planetas. Divididos en planetas interiores, endemas yamados terrestres o telurikos, i planetas eksteriores o djigantes. Entre estos d'alkavo, Jupiter i Saturno se yaman djigantes gaseozos mientres ke Urano i Neptuno son yamados djiganytes yelados. Todos los planetas djigantes tienen alderedor aniyos.
- Planetas enanos. Esta mueva kategoriya fue kriada por la Union Astronomika Internasyonala en Ogusto de 2006. Aze referensia a puerpos kon forma esferika ama les manka grandesa para atrayer otros puerpos komo un satelit o un aniyo espasial. Puerpos komo Pluton, Seres o (136199) Eris (Xena) se topan arientro de esta kategoriya.
- Satelites. Son puerpos ke se topan al deredor entornando los planetas, algunos grandes komo Ganimedes en Jupiter o Titan en Saturno.
- Asteroides. Puerpos chikos konsentrados majoritariamente en la sintura de asteroides ke se topa entre las arbitas de Marte i Jupiter. Su chika masa no les desha tener forma regular.
- Objektos de la sintura de Kuiper. Son otros objektos yelados ke tienen arbitas regularas, los majores de los kualos son Sedna i Quaoar.
- Kometas. Objetos yelados chikos provenientes de la Nuve de Oort