Sven Alkalai

Sven Alkalai en 2012.

Sven Alkalai, en serbo-kroata Sven Alkalaj, nasido en 11 de Novembro de 1948 en Sarajevo, minístro de Liasones Eksteriores de Bosnia i Herzegovina en 2007-2012. Alkalaj, el kualo es sefardi, es unos de los djudios mas konosidos de la komunita. Es myémbro del partito Partito para Bosnia i Herzegovina, el kualo es dirijido por el myémbro de la presidensia kolektiva del paez, Haris Silajdžić.

Biografiya

Sven Alkalai nasió en Sarajevo i se graduó de injeniero mekániko en la Universita de Sarajevo enel anyo 1974. El ritornó a la universita enel anyo 1987 i tiene endagora endemas un titolo de ekonomiya. Entre las sus fonksiones para el govyerno del su paez se ankontran:

• Fevrero 2004 – Fevrero 2007. - Ambasador de Bosnia i Herzegovina en Bejika i Shefe de la Misión de Bosnia i Herzegovina a la OTAN en Bruselas.

• 2000 - 2004 - Ambasador de Bosnia i Herzegovina a la OEA i endemás Ambasador de Bosnia i Herzegovina en los Estatos Unitos d'Amerika en Washington DC.

• 1993 - 2000 - Ambasador de Bosnia i Herzegovina en los Estatos Unitos d'Amerika

• 1988 - 1994 - Direktor de la entreprisa Energoinvest en Bangkok, Tailandia.

• 1985 – 1988 - Shefe Rejional para el Serkano i Medio Oryente de Energoinvest en Sarajevo.

• 1975 – 1985 - Direktor Komersial de Petrolinvest en Sarajevo.

Otros fáktos

Alkalai avla, endemás de serbo-kroata, inglez i fransez, endemas de un poko de espanyol. Alkalai a resivido munchas kritikas i demandas en los medios de komunikasiyon de Bosnia i Herzegovina para ke deshe el ofisio de Ministro de Liasones Eksteriores dempués de ke el resivió la sivdadania de Kroasia, kuando el se deklaró ke era kroata.

Atamientos eksternos

• Pajina web Ofisial del Ministerio de Liasones Eksteriores de Bosnia i Herzegovina