Tapachula
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| |||||||||||||||||||||||||||
Tapachula o Tapachula de Córdova y Ordoñez es una sivdad dela Rejion del Soconusco en el Estado de Chiapas. Tiene una povlasion de 202.672 moradores, es la sigunda sivdad mas povlada dela entidad por abasho de Tuxtla Gutiérrez; endemas es la grande sivdad mas meridionala del Meksiko.
La sivdad es afamada por sus afinkamientos kafetaleros en las sayas del volkano Tacaná, ansina komo una grande infraestruktura lojistika ke konekta Puerto Chiapas (Antiko Puerto Madero), kon munchas sivdades portuarias del olam.
Etimolojia[trocar | trocar el manadero]
Tlapachollan, proviene de la lingua nahuatl, ke sinyifika Lugar ande ay kolores, deriva delos biervos tlapalcholli i -tlan. En kaltilyano se dize Tapachula.[1]
Istoria[trocar | trocar el manadero]
Los primeros afinkamientos de Tapachula, fueron por komunitas mayas ke yegaron de sud, ansina yamado el Reyno de Xelajú, los mam son los primeros umanos ke desveloparon aktividades en lo ke oy es Tapachula.
Kon el avanzo de la industria del kave, por modre aki, arrivaron bisneros almanes ke se afinkaron en Meksiko i Guatemala para azed produsir fino kave ke fue yevado a Evropa a la fin del sieklo XIX i los primeros anyos del sieklo XX.
Jeografia[trocar | trocar el manadero]
La sivdad es topada ensima de una grande planada ke abasha de la Serralada ande kolonda la frontiera Meksiko-Guatemala, azia la beira del Oseano Pasifiko; endemas ay rios ke kruzan por la sivdad.
La mayor altitud es el Volkano Tacaná parte emportante dela su orografia; ke en sus sayas ay afinkamientos de kave; es una tyerra kon una grande abundansia de agua i rika en flora i favna. Al norte topan las montanyas tupidas de arvoles de pino i ensino.
Delas sayas del volkano, abashan riadas de agua ke yegan a las beiras del Oseano Pasifiko, son aguas kalidas ke refreskan una de las rejiones mas kalientes de Meksiko, durante el verano.
Ekonomia[trocar | trocar el manadero]
La industria i el komersio son la prinsipal aktividad ekonomika de la sivdad, aki es punto estratejiko para el komersio internasional azia el sud del kontinente, el puerto es un emportante lugar para el transbordo de petroleo i prokuktos industriozos ke yegan a otros kontinente por los kaminos de la mar.
Turizmo[trocar | trocar el manadero]
El turizmo es parte emportante de la ekonomia de la sivdad de Tapachula. El su sentro istoriko es kuenta kon galanas fraguas de la epoka koloniala. Endemas ay aki plajas en la lokalidad de Puerto Chiapas, ande los turistas puedan banyarse en dias soleados.
Las finkas kafetaleras ke fraguaron los almanes son otro atraktivo turistiko de la sivdad, en la shara ay galana i lushosas kazas de kampo kon industria antika para el proseso del kave de las sayas del volkano Tacaná.
La sivdad de Tapachula konta kon una emportante oferta ostelera, ay aki munchos sitios de intereso ande los turistas pueden visitar.
- Alkaldia, fragua onde governa el ajuntamiento o konsesho del belediye de Tapachula.
- Katedrala de Tapachula, emportante fragua relijioza del paiz, sede del governo del obispado.
- Kaza de kultura.
Demografia[trocar | trocar el manadero]
El Soconusco es una de las rejiones kon mayor povlasion indijena en Chiapas, los mam son la mayor komuita, ma ay otras komunitas komo los kaqchinkel, los chuj, los quiché i los tzeltales; todos de orijin maya.
Tapachula es la sivdad del sud kon mas krize de imigrantes ektranjeros azia Meksiko, es en Tapachula ande mora la komunita guatemalana mas numerosa del paiz, ansina otrunas komunitas dela Amerika Sentrala komo salvadorenyos, hondurenyos, nikaraguanos i komunitas de kinezas, arabas i sudamerikanas. Antikamente aki moravano los almanes, por las finkas de kave, endagora solo ay alkunos moradores dela sivdad kon orijin alman o ostriako.
Akodros[trocar | trocar el manadero]
Sivdades ermanas[trocar | trocar el manadero]
La Sivdad de Tapachula es ermanada kon las sigientes sivdades:
Konsulados[trocar | trocar el manadero]
Konsulado djeneral de Guatemala.
Konsulado djeneral de Ekvador.
