Templo de Artemisa en Efes

Ruinas del templo aktualamente

El Templo de Artemisa, konosido endemas komo Artemision, fue uno de los monumentos mas famosos del olam antiko i es kontado entre las siete maraviyas del olam antiko. Se topava en la sivdad de Efeso (oy en diya en la Turkiya moderna), un grande sentro relijioso, komersial i kultural del olam grego. El templo fue dedicado a Artemisa, dioza de la kaza, de la fertilita i protektora de la sivdad.

El primo grande templo fue empesado en el sieglo VI abanti la era komun, kon el apoyo del rey Kreso de Lidia. Fue fraguado enteramente de marmol, koza muy rara para el su tiempo, i era de una grandura imponente: teniya mas de 120 kolumnas altas, rikamente dekoradas. El templo sirviya non solo komo lugar de kulto, otro ke endemas komo banko i tesoro de la sivdad. A lo largo de los sieglos fue destruyido i rekonstruyido munchas vezes, por terremotos i por aksiones humanas.

Istoria i Destruksiones:

1. Inaugurasion (c. 550 a.C.): Empues de unas 120 anyadas de fraguasion, el templo se kompleto, atrayendo a merkaderes, reyes y i fieles en ziara.
2. Prima destruksion (356 a.C.): Un insendio provokado por Herostrato lo destruyo, anke fue rekonstruyido.
3. Reconstruksion: El templo fue fraguado yene, ainda más grandiozo.
4. Segunda destruksion (c. 267 d.C.): Una invasion gotika lo danyo gravamente.
5. Tercera destruksion (401 d.C.): Una alay kristiana lo derribo por ultima vez, marcando el su fin definitivo.

Legado:

Oy endagora, solo restan los simientos y una kolumna solitaria en el sityo, un recordatorio de la grandura del templo ke una vez fue el mas grande del Mediteraneo antiko.