Timur

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Timur, endemas yamado Tamerlan (del farsi: Timür-i lang, ‘Timur el Kosho’) o Timur Lang, del chagatai Timur Lenk; nasido serka de Kesh, Transoksiana, 9 de avril de 1336 - Otrar, verso Kina, 17 de fevrero de 1405 era un konkistador, shefe militar i politiko turko-mongol, el ultimo de los grandes konkistadores en kavayo de Asya Sentrala. Timur fondo el Imperio Timuriano, el ke basho su kontrolo yego a su mayor grandeza, okupando Afganistan, Iran, Irak, los payises de Asya Sentrala, el Kavkaz i partes de la Turkiya. Nunka pedrio una batalya i es konsiderado uno de los mas grandes kapos militares, endemas de uno de los mas brutalos.^[1]^[2]

Endemas de su reushita komo konkistador, Timur es konosido por el suporte ke dio l desvelopamiento del Islam, el arte i la arkitektura, ambezando kon intelektualos komo Ibn Haldun i Hafiz-i Abru, deke la Renesans Timuriana prinspio basho su reinado.

Atamientos eksternos

Amir Timur en Uzbekistan Travel

Klika akí para ver las imajes de Commons ensima de Timur.

Referensias

↑ Meri, Josef W. (2005). Medieval Islamic Civilization. Routledge. p. 812. ISBN 978-0415966900
↑ John P. Dunn; Sebastian P. Bartos. Amir Timur: Paragon of Medieval Statecraft or Central Asian Psychopath? Association for Asian Studies, 2013

[1] Meri, Josef W. (2005). Medieval Islamic Civilization. Routledge. p. 812. ISBN 978-0415966900

[2] John P. Dunn; Sebastian P. Bartos. Amir Timur: Paragon of Medieval Statecraft or Central Asian Psychopath? Association for Asian Studies, 2013

[1]

[2]