Vera Baboun

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Vera Baboun.

Vera George Mousa Baboun[1] (en arabi: فيرا جورج موسى بابون, nasida en Bet Lehem el 6 de Oktobre de 1963) es una politika palestiniana. Era la shefa del governo de la sivdad de Bet Lehem entre Oktobre de 2012 i May de 2017. Es la primera mujer en alkansar la shefatura de la sivdad.[2][3]

Biografiya[trocar | trocar el manadero]

Kariera akademika[trocar | trocar el manadero]

Ambezo literatura inglesa en la Universita de Beit Lehem, i tiene un maestrado en literatura afrikano-amerikana de la Universita Ebrea de Yerushalayim.[4] Lavoro komo direktora del lise katoliko de Beit Sahour i komo profesora de literatura ingleza en la Universita de Beit Lehem por 21 anyadas,[5][6] ande era la direktora de menesteres de elevos de la universita.

Es presidenta de la Sentro de Ayudo ala Famiya i los Ninyos,[4][6] i endemas bushkadora ensima de la enfluensia de la teknolojiya enel empuederamyento de la mujer enel Mundo Arabi.[4][5][6] Kuando era elekta shefa del governo de la sivdad de Bet Lehem, estava esperando aresivir ayudo para ambezar un doktorat en literatura de mujeres arabi-amerikanas.[4][6]

Kariera politika[trocar | trocar el manadero]

Para las eleksiones de 2012, Baboun era la shefa del blok Independensia i Dezvelopamiento,[7] el kualo era echo de 12 profisionalos musulmanos i kristianos del movimento Fatah unidos kon el buto de amijorar los servisios al sitizeno i dezvelopar el entereso en Beit Lehem para los turistos de Evropa i Amerika.[5] El su bloko era yamado el grup de los teknokratikos por Al-Ghad.[8] La su reushita en estas eleksiones no era esperada, deke los otros kandidatos eran muncho mas konosidos ke eya, endemas ke tenian el suporte de islamistos i palestinianos de siedra.[3] Para el 12 de Oktobre de 2012, Fatah iva ala kavesa de las eleksiones, kon un 49%,[9] ma afilu el su bloko reushito en las eleksiones el 20 de Oktobre de 2012[3] i Baboun era elekta la shefa del governo de la sivdad, kon una votasion de 9-6.[10]

El mas grande empedmyento de la reushita del su governo es la mankansa de lavoro, la mas grande de las sivdades de Sisdjordania, muchiguada kon el enchikesimyento de la komunita kristiana i la bariera israeliana de seguransa en Sisdjordania.[2][11] Tiene disho a los djurnales ke esperava aresivir parte del suporte ke la sivdad pedrio kuando Hamas tenia el governo.[12][13]

Dechidio no partisipar en las eleksiones de May de 2017 echas en las sivdades de Sisdjordania.[14]

Vida privada[trocar | trocar el manadero]

Es bivda i de relijion katolika[2][15] i es madre de sinko ijos kon el su espozo Jhony Baboun, el kualo murio en 2007.[3]

Referensias[trocar | trocar el manadero]

Atamientos eksternos[trocar | trocar el manadero]

Commons Klika akí para ver las imajes de Commons ensima de Vera Baboun.