Victoria Hazan

Un artíkolo de la Vikipedya, la ansiklopedya líbera
Ir a la navegación Ir a la búsqueda

Victoria Hazan fue una kantadera sefaradi de muzika en djudeo-espanyol, turkano i grégo.

Victoria nasió komo Victoria Ninio el 15 de Avril de 1896 en Salihli[1], al nord-este de Izmir en una famiya sefaradi de hazanim (kantaderos relijiozos). Se fue bivir a la sivdad de Izmir enel anyo 1915 i a la sivdad de Mueva York serka del anyo 1920[2]; ande konosió al sui primér espozo, Israel Hazan, tambien de una famiya de kantaderos relijiozos. Enel anyo 1936, poko tyempo dempues de la muerte de Israel Hazan, eya se espozó kon Joe Rosa.

Victoria yegó a ser la presidenta de la United Sisterhood Benevolent Society, endemas de kantar i dar konsertos kantando i kon el su Ut enel kal ante meldava; ayí eya kantava kantikas en djudeo-espanyol, armenio, fransez, turkano i grégo, má fue en la anyada de 1940 kuando fue el empesijo de la su karriera komersiala, kon las kompanyias diskografika Kaliphon i Metropolitan.

Victoria murio el 21 de Noviembre de 1995 en la sivdad de Mueva York.

Diskografiya[trocar | trocar el manadero]

Las kantikas de Victoria Hazan se ankontran enel su disko "Todas mis Esperansas", el uniko que tiene gravado. La su musika es la musika tradisionala de los kafés turkanos, kantada kon ut, kanun, violin, klarinete i darbuka o tumbek.[3]

Referensias[trocar | trocar el manadero]

  1. Victoria Hazan. Discography of Sephardic (and other) Recordings. SephardicMusic.org
  2. Victoria Hazan: Todas Mis Esperansas - 1940s recordings of Judeo-Spanish, Greek and Turkish Song
  3. Our vision of Sephardic Music. Efrén López


Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.