Yom A'atzmaut

de Vikipedya, la ansiklopedya líbera
Saltar a: navigación, buxcar
Deklarasion del estato de Yisrael

Yom A'atzmaut (en ivrit יום העצמאות) o Dia de la Independensia de Yisrael, es la data en ke se selebra la Deklarasyon de independensia de Yisrael el 14 de mayo del anyo 1948. Se festesha el dia 5 de Iyar del kalendario ebreo, data en la ke David Ben Gurion deklaró el fin del Mandato Britaniko i la kriasyon de la Medinat Yisrael. Siempre va un dia dempues de Yom Azikaron (en ivrit יום הזיקרון), ofisialmente Dia del Rekódro de los Soldados Amortados de Yisrael i de las Viktimas del Terrorizmo, ke es el 4 de Iyar. Una seremonia ofisiala se aze kada anyo en el Monte Herzl, en Yerushalayim, la noche de Yom Ha'atzmaut. La seremonia inkluye un diskurso del portavoz de la Knesset (Parlamento Yisraeli), una espektakular presentasyon, una marcha de soldados ke yevan la bandiera de Yisrael, konformando estrukturas komo Menora, Magen David i un numero ke representa la edad de Yisrael) i el ensendido de doze kandelas (una para kada una de las Tribus de Israel). Kada anyo, una dozena de sivdadanos yisraelis, ke isieron emportantes kontribusyones sosyalas en un area seleksionada, son konvidados a ensender las kandelas.

La komunita nasyonala relijoza melda teilim espesialos ke son solo meldados en Shabat i el los Hagim, endemas de Halel i Pesukei D'Zimra para Shabbat i Yom Tov. Este diya Tahanun no es meldado.

Datas proksimas de Yom Ha'atzmaut[trocar | editar código]

  • 2007: 24 de Avril
  • 2008: 8 de Mayo
  • 2009: 29 de Avril
  • 2010: 18 de Avril
  • 2011: 10 de Mayo
  • 2012: 26 de Avril

Ver endemas[trocar | editar código]

Enlasos eksternos[trocar | editar código]

Commons-logo.svg
Wikimedia Commons alberga kontenido multimedia sovre Yom A'atzmaut