Akademia del Idioma Ebreo
De Wikipedia
La Akademia del Idioma Ebreo (en ebreo, הַאֲקָדֶמְיָה לַלָּשׁוֹן הַעִבְרִית, Ha'akademia Lalashón Ha'ivrit), es la institusion establesida por una ley de la Knesset del anyo 1953 komo la institusion superior para la lengua ebrea, define estandares i normas para la gramatika, la ortografiya, las reglas de transliterasion i la puntuasion diakritica ebreas, basadas en el dezvelopamiento istoriko del idioma ebreo. Endemas, la Akademia es responsable de la kriasion de muevas palavras en ebreo para mantener el idioma al ritmo de la sosyedad rápidamente trokante de oy endia.
La Akademia esta integrada por 23 partisipantes, entre eyos linguistas, profesores en estudios djudaikos i de Tora, ansina komo katedratikos de otras dissiplinas, poetas, eskritores i traduktores, entre otros.
Las desisiones de la Akademia en kuánto a linguistika, leksiko e idiomatika, son obligatorias de sigir para todas las institusiones de Yisrael, inkluyendo la Autoridad de Radiodifusion de Yisrael.
[editar] Fonksiones
Komo esta definido en su akta fundasional, las fonksiones de la Akademia son las sigintes:
- Investigar i kompilar el leksiko del idioma ebreo, d'akordo a los sus diversos estratos y kapas istorikas.
- Estudiar la istoria i la estruktura del idioma.
- Dirijir i enkauzar el dezvelopamiento del ivrit d'akordo a la su natura, las sus nesesidades i el su potensial, en todos los ambitos de la vida kotidiana i akademika.
[editar] Mas informasion
[editar] Enlasos eksternos
- Sitio ofisial (en inglez)
- Proyekto «Diksionario istoriko del ebreo» de la Akademia (Resenya en inglez)
Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.
