Akre

de Vikipedya, la ansiklopedya líbera
Saltar a: navigación, buxcar
Akre
עכו
عكّا

Bandeira de Akreעכו عكّا Escudo de Akreעכו عكّا
Paez Israel
Pozision 32°55'44" N 35°4′35" E
• Altura 290 msnm
Superfisie 10,3 km²
Povlasion 45.800 ab. (2006)
• Densidad 4446,6 ab./km²
Djentilisio n/a
Alkalde Shimon Lankri
Pajina web http://www.akko.org.il


Akko, en ivrit, llamada Akka en turko i arabo, i Akre en lingua djudeo-espanyola, es una sivdad en la kosta de la Mar Mediterraneo, serkana a la baía de Haifa. Esta ubikada en el Distrito Nord de Israel. Durante la tresera kruzada se iva yamar "San Juan de Akre".

Istorya[trocar | editar código]

Es una de las sivdades má antikas del mundo i se kree ke fue fondada serka del anyo 1500 A. E.K. Enel anyo 700 A.E.K. la sivdad iva kaer en poder de los asiryos. Enel anyo 332 A.E.K la sivdad iva pasar a formar parte del empério de Aleksandro Magno. El Rey de Ejipto Ptolomeo II Filadelfo iva konkistar la sivdad en el syéklo II A.E.K. i desde antojes la sivdad fue yamada Ptolemaïs.

Dempues de ke el Imperio Romano se iva separar en Imperio Romano de Oryente i en Emperio Romano de Oksidente, Akre kedo dentro del Emperio de Oryente, ke má tadre iva trokar a ser el Imperio Bisantino.

Enel anyo 638 la sivdad era una posesion araba. Dempues la fueron konkistando otros puevlos: Balduino I de Yerushalayim en 1104; Saladino I, sultan de Ejipto i Surya la rekonkisto en 1187, má poko dempues, enel anyo 1191 iva kaer en manos de los krusados (en la Tresera Krusada) i fue antonses kuando la bautisaron kon el nombre de San Juan de Akre. Berenguela de Navarra iva bivir en la sivdad mientras el su marito Rikardo Korason de Leon gerreaba en kontro de los sarrasenos.

Enel anyo 1291, los sarrasenos akosaron la sivdad, ke tuvo ke rendirse.

Enel anyo 1517, yegan los turkos, ke se apoderan de la sivdad.

Enel anyo 1799, el almirante britaniko William Sidney Smith logra negosiar una aliansa entre el Reyno Unido i el Emperio Ottomano en kontro de la intervension fransesa en Ejipto. Aislado en Oryente desde la viktorya britanica de Abukir, Napoleon Bonaparte trata de konsegir una rebelion surya en kontro de los turkanos i, empesando el 20 de Marso, somete Akre a un sitio de dos meses ke, finalmente, iva tenerke deshar el 21 de Mayo. La sivdad antonses ottomana, kon adjuda de los británicos, pasa a ser la unika ke Napoleon trato de konkista má no pudo.

Enel anyo 1918, los inglezes se apoderan de Akre. Dempues de la fraktura del Emperio Ottomano, Akre keda komo parte de la Palestina basho kontrolo de Gran Bretanya.

El 4 de Mayo de 1947 munshos prezos djudios ke ivan perteneser a grupos zionistas se escapan de la prizion de Akre.

El 17 de mayo de 1948, en la Gerra de Independensia de Israel, huersas de la Hagana toman Akre, ke va kedar finalmente komo parte del estado djudio. Komo konsekuensya de la gerra, Akre pierde tres kartas partes de la su povlasion araba. Desde antonses Akre es renombrada kon el su nombre ebreo, Akko.

Oy endia Akre dezvelopa una emportante aktividad endustrial en asero. Tiene endemas una buena flota pishkera i endemas es sivdad turistika.

Akre a sido una de las sivdades misturadas de Israel, en las ke una mayoria de djudios i una menoria de arabos biven en paz, ansina komo Ramla, Lod, Haifa i Yerushalayim i otras povlasiones menores.

El puerto de Akre

Sin embargo, el 8 de Októbre de 2008 ivan okurrir en Akre una serie de enfrentamientos entre arabos i djudios ke se prolongaron asta el 10 de Októbre. Los enfrentamientos empesaron la noche de Yom Kippur, kuando el avto de un arabo i el su ijo ivan ser atakados porun grupo de mancebos judios, los kualos akusaron a los arabos de aser barulyo kon intension en midio de la fiesta djudia. El arabo iva ser adjudado por un grupo de mancebos arabos, lo ke empeso una pelea. Kuando se yego a eskuchar por toda la sivdad de ke un arabo iva ser amortado, sienes de arabos i djudios salieron a las kalejas, destruyendo merkatos i avtos, i lansando pyédras entre grupos. Unos 700 polisias ivan ser nesesarios para detener los enfretamientos, ke desharon tres feridos. El presidente yisraeliano Shimon Peres demandó kalma a los abitantes i politikos de la sivdad, tanto arabos komo djudios.[1][2]

Arte[trocar | editar código]

La Sivdad vieja de Akre es Patrimonio Mondial de la Umanidad desde el anyo 2001. Uno de las sus fráguas má konosidas es la Mishkita de Djezzar Pasha (syeklo XVIII).

Sivdades Ermanas[trocar | editar código]


Referensias[trocar | editar código]

  1. Despliegue policial en ciudades judeo-árabes de Israel por disturbios en Acre. Yahoo! Noticias México
  2. Vuelve la calma a San Juan de Acre después de tres días de violencia. EcoDiario.es.


Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.