Al-Andalus

Un artíkolo de la Vikipedya, la ansiklopedya líbera
Kalifato de Kordova, enel anyo 1000

Se konose komo Al-Andalus (en arabo الأندلس) al tyerritorio de la Peninsula Iberika basho kontrolo musulmano durante la Edad Media, entre los anyos 711 i 1492.

Dempues de la invasiyon musulmana de la peninsula, Al-Andalus se fue integrar en la provensiya nord-afrikana del Kalifato Umeya, para más tádre trokarse en un emirato i dempues, en un kalifato independiente del poder Abasí. Kon la disolusiyon del Kalifato de Kordova enel anyo 1031, el tyerritorio se iva dividir en varios reynos chikos o Taifas, los kualos orijinaron las invasiyones bereberes Almorávide i la Almohade.

Kon el avanso de la Rekonkista empiesada por los kristyános arifujiados en las montanyas del Nord de la península, el nombre de Al-Andalus empiesó a ser sinónimo del tyerritório el kualo estaba menguando basho kontrolo arabo-musulmano, las kualas frontieras ivan siendo empushadas asia el Sud, asta ke la sivdad de Granada fue tomada por los Reyes Katolikos enel anyo 1492, la kuala akabó kon el dominio musulmano en la península.

Orijin del nombre[trocar | trocar el manadero]

El filólogo Joaquín Vallvé Bermejo, en su la obra "La división territorial de la España musulmana", afirmó ke el nombre "Al-Andalus" tiene el su orijin en la ekspresiyon araba "Jazirat al-Andalus", ke signifika la adá o la península del Atlantiko o la Atlantida, i la kuala yiria aludir a la Peninsula Iberika[1].

Referensias[trocar | trocar el manadero]

  1. Joaquín Vallvé izo una eksposizión de esta misma tesis en VALLVE, Joaquín. "El nombre de al-Andalus". Al-Qantara Nº IV. Madrid. 1983. Pp. 301-355, ande dize ke al-Andalus parese ser una korrupsiyon del la palavra en latin Atlanticum


Ikono de esbozo
Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.