Alkunya

de Vikipedya, la ansiklopedya líbera
Saltar a: navigación, buxcar

La alkunya es el nombre de la famiya kon el kualo se konose i distingue a las personas.

En la majorita de los payises ande se avla kastilyano, kada persona tiene dos alkunyas, las kualas toma de su padre i su madre. En Arjentina, tradisyonalmente, se uzava sólu la alkunya del padre, ma un proyekto apresentado al Kongreso enel anyo 2008 tinía komo buto igualar la situasion a la de los otros payises de Amerika Latina i de Espanya.

Por esto, la identifikasiyon o nombre de una persona en la tradisiyon ispanika esta konformada por el nombre de pila (o nombre, el kualo puede estar konformado por uno o mas nombres) - la alkunya del padre i la alkunya de la madre, en este orden. Antonses, la priméra alkunya de una persona es la de su padre, la sigunda alkunya es la de su madre, la treséra alkunya es la de su padre, la katrena alkunya es la de su madre, por egzempio. Ansina, una persona tiene tantas alkunyas komo kera i las kualas pertenesen endemas a los sus ansestros. Desde la anyada de 2008 en Chile i Espanya esta permitido trokar el orden de las alkunyas, para ansina, d'akodro kon los padres, la alkunya de la madre este de priméra. En Portugal i Brasil el orden de las alkunyas es diferente, deke la alkunya de la madre va siempre priméra. Esta tradision egzistio en las Isolas Kanarias por varios syéklos. En kaji todo el resto del mundo la djente sólo tiene una alkunya, la del padre.

Andjak, en alkunas kulturas, komo en Tibet, Mongolia i la isola de Java, la djente djeneralmente no tiene alkunya. En otras kulturas, la alkunya de la mujer troka tradisionalmente dempues del kazamyénto.

En payises eslavos komo Rusia i Bulgaria, el nombre kompleto de una persona esta konformado por el nombre de pila, el patronimiko (el kualo esta lisionado kon el nombre del padre de la persona) i la alkunya. La mayor parte de las alkunyas rusas tienen orijin patronimiko, las kualas jeneralmente son kriadas adisionando -ov (a) o -ev (a), ande la "a" se uza para el las mujeres. Los patronimikos de oy endiya, alfinu tienen -ovich o -evich para los ombres i -ovna o -evna para las mujeres. Por egzempio, si un ruso yamado Iván Petróvich Popov' tuviesse un ijo yamado Iván i una ija yamada Katerina, los nombres kompletos de los sus ijos van ser Iván Ivánovich Popov i Katerina Ivánovna Popova.

En la isola d'Islandia, la alkunya es konformada por el patronimiko i la adision de -son (ijo) o -dóttir (ija). Por egzempio, los ijos de Guðmund Jónsson van ser Stefán Guðmundsson (ijo) y Vígdis Guðmundsdóttir (ija), mientres ke los de Stefán van ser Þór Stefánsson (ijo) i Guðrún Stefánsdóttir (ija), ansina komo la kantadera Björk Guðmundsdóttir.

En la Republika Sheka, el nombre kompleto de una mujer esta konformado por el nombre de pila i la alkunya. La mayor parte de las alkunyas shekas tienen orijin patronimiko, ansina komo las otras linguas eslavas; en este kavzo, se konforman del nombre del padre i -ova o -cká para las mujeres. Por egzempio, si un sheko yamado Josef Dostál tuviesse una ija yamada Marina i un ijo yamado Mikulaš, los sus nombres kompletos van ser Marina Dostálova i Mikulaš Dostál. Estos -ova i -cká son deklinasiyones, las kualas para un ombre van ser -ovo, el kualo es ansina komo De en lingua kastilyana i lingua portugeza , komo De Soto, De Menezes i De Almeida.