Alsafran

Un artíkolo de la Vikipedya, la ansiklopedya líbera
Alsafran

El alsafrán es una espesia sacada de los estigmas sekos de la flor de Crocus sativus, una espesie del jénero Crocus dientro de la famiya Iridaceae.

El alsafrán se konose por su savor amargo i el su golor; estos aparesen de los sus komponentes kimikos picrocrocin i safranal.[1][2] Endemas kontiene un tinte de tipo karotenoide yamado krosin, el kualo da a la kumida un color amariyo durado. Esto aze del alsafrán un komponente apresiado en munchos platos en todo el mundo. En Espanya se empiega komo komponente esensial de la paeya, i para kozer arroses, karnes i pishkados. El alsafrán tiene endemas uzo en la medisina. El alsafrán tiene un presio grande deke no es kolay tenerlo, presisa muncho kudio i eshuérso. Por el su alto valor ekonómiko se le yama oro kolorado, el kualo a tinido munchas imitasiones.

El alsafrán está konformado por los estigmas ke pueden estar unitos o no al estil de la flor del Crocus sativus Lin. Es una espesia la kuala a tinido i tiene un merkato mondial liderisado por Espanya, no sólu a nivel de produksiyon sino endemas a nivel de eksportasiyon.


Referensias[trocar | trocar el manadero]

  1. McGee, H. On Food and Cooking: The Science and Lore of the Kitchen, pp 423. Ed. Scribner. Anyo 2004 ISBN 0-684-80001-2
  2. Saffron (Crocus sativus L.). Katzer, G. Gernot Katzer's Spice Pages. Anyo 2001.


Enlasos eksternos[trocar | trocar el manadero]

Commons Wikimedia Commons alberga kontenido multimedia sovre Alsafran