Azure

de Vikipedya, la ansiklopedya líbera
Saltar a: navigación, buxcar
"Azure" del envierno de 2007

Azure: Ideas para la nasiyon Djudia (en ivrit תכלת, t'hélet) es una revista publikada kada tres meses por el Sentro Shalem en Yerushalayim, Israel. En Azure se topan artikolos relasionados kon el pensamiento djudio, identidad djudia, zionismo i la mediná, en ivrit i en inglez, permetendo el troko de ideas entre los yisraelis i los djudios del Galut[1]. T'hélet es la kolor uzada para pintar los tzitziyot uzados en los diyas de Moshe Rabenu.

Azure fue establesida enel anyo 1996 i era publikada orijialmente dos vezes kada anyo, ma kresió i oy endiya es publikada katro vezes enel anyo. Su primér editor shefe era Ofir Haivry, el kualo fue trokado por Daniel Polisar i David Hazony. Enel anyo 2007, Assaf Sagiv paso ser el su editor shefe. Munchas personas emportantes tienen eskritas kontrivusiyones para Azure, komo por enshemplo Michael Oren, Yoram Hazony, Ido Hevroni, Marla Braverman, Yossi Klein Halevi, A. B. Yehoshua, Ruth Gavison, Amitai Etzioni, Amnon Rubinstein, Natan Sharansky, Alain Finkielkraut, Amotz Asa-El, David Hazony, Evelyn Gordon, Meir Soloveichik, Claire Berlinski, Robert Bork i Moshe Ya'alon.

La revista aze publika tresladasiyones al ivrit de tekstos klasikos de avtores komo Immanuel Kant, David Hume, William James, G. K. Chesterton, Martin Luther King, Jr., C. S. Lewis, Alasdair MacIntyre, Winston Churchill, Matthew Arnold i Leo Strauss.

Linea editoriala[trocar | editar código]

Este jurnal aze enfasis en dar huérsa a los valores djudios i zionistas, aziendo muncha kritika al antisemitizmo i a las tendensias post-zionistas en las universitas [2] i esta opozado al aktivismo djudisyalo en el sistem legal yisraeli.[3] Azure apoya las riformas de merkato libbero en la ekomomiya yisraeli.

Referensias[trocar | editar código]

  1. University of Cincinnati libraries
  2. Assaf Sagiv, 'The Sad State of Israeli Radicalism,'
  3. Evelyn Gordon, 'Liberalism's Endgame,'

Atamientos Eksternos[trocar | editar código]