Buró Diplomátiko

Un artíkolo de la Vikipedya, la ansiklopedya líbera
Ambasada de Israel en Washington, DC

Un buró diplomatiko es un buró enel kualo un grup de empiegados de un payis apresentan al su payis en otro komo musafires de este, jeneralmente en la sivdad kapitala. Asigun el Dirito Internasional, las ambasadas son tratadas komo parte del territorio del payis al kualo pertenesen i no tienen enfluensa de las leyes del payis musafir.

A la kavesa del buró se topa la persona ke apresenta al payis musafir para todos los menesteres enel payis anfitrión. Los burós diplomátikos tienen entre sus fonksiones, defender los enteresos del payis musafir enel payis resivyente, ariéntro de los limitos establesidos por el Ditiro Internasional; informarsen, por via legal, de los desvelopamyéntos i kondisyones enel estado resivyente i dar habér al payis musafir; estimular el desvelopamyénto de las relasiones amistozas entre ambos payises, muchiguar el kresimyénto ekonómiko, kulturalo i sientifiko de estas relasiones.

Kateggorías de Burós Diplomátikos[trocar | trocar el manadero]

Ambasada[trocar | trocar el manadero]

Es la forma mas emportante de Buró Diplomátiko. A la kavesa de una ambasada se topa el ambasador o la ambasadora.

Konsulado[trocar | trocar el manadero]

Jeneralmente, los konsulados egzisten en akeyas sivdades emportantes para la relasion komersiala entre dos payises, ma ke no son sivdades kapitalas. Endemas, egzisten konsulados en akeyas sivdades ande biven munchos sitizenos del payis musafir, por enshemplo: el Konsulado de Estados Unidos en Yerushalayim.

Buró de Apresentasiyon[trocar | trocar el manadero]

Los burós de apresentasiyon son uzados por payises ke no tienen relasiones diplomátikas, komo por enshemplo los Burós Ekonómikos i Kulturalos de Tapiei.

Misiyon[trocar | trocar el manadero]

Las Misiones son akeyos burós diplomátikos ke apresentan a un payis en una entidad supranasionala, komo la ONU.

Atamientos Eksternos[trocar | trocar el manadero]

Commons Klika akí para ver las imajes de Commons ensima de Buros diplomátikos.

Embajadas y Consulados (en lingua kastilyana)