Edikto de Granada

de Vikipedya, la ansiklopedya líbera
Saltar a: navigación, buxcar
Kopia aparejada del Edikto de Granada.
«Dechidimos mandar ke todos los djudios, ombres i mujeres, kale deshar el muestro reyno, i de nunka más tornar. Kon la eksepsiyon de akeyos ke aksepten ser bautisados, todos los demás kale ke salgan de muestros tyerritórios el 31 de Djulio de 1492 para no ya tornar basho pena de muerte i konfiskasiyon de los sus bienes (...)»

El Dekreto de la Alhambra o Edikto de Granada fue un dekreto editado en la Alhambra (frágua de la sivdad de Granada (Andaluziya, Espanya)) el 31 de Marso de 1492 por los Reyes Katolikos, Hernando II de Aragon i Isabel I de Kastilya, enel kualo se obliga a todos los djudios de la Peninsula Iberika a konvertirse al katolisismo o ser arrondjados, con data el 31 de Djulio de 1492. Por motivos lojístikos se dechidió ekstender este plaso asta el 2 de Ogusto a las dose de la noche. Hernando el Katoliko firmava otro para el Reyno de Aragon, el kualo endemas inkluía las Dos Sisilias, rejion del sud de Italia. Ambos tenían komo baza un mismo teksto orijinal eshkrito por Tomas de Torkemada, inkisidor jeneral en Espanya.

El diya 2 de Ogusto fue el mismo dia enel kualo salió Kristobal Kolon en la su bushkida del una mueva ruta a las Indias, viaje el kualo akavó kon el dishkovrimyénto de Amerika. Esta konsidensa jeneró la teoriya del orijin djudio de Kolon ekspuesta, entre otros, por Simon Wiesenthal en la su ovra Operación Nuevo Mundo: la misión secreta de Cristóbal Colón (edisiyones Orbis, S.A. ISBN 84-7634-382-5).

Ver endemas[trocar | editar código]

Wikisource-logo.svg
En Wikisource se topa el teksto orijinalo de Edikto de Granada