Grupo Visegrád

de Vikipedya, la ansiklopedya líbera
Saltar a: navigación, buxcar

El Grupo Visegrád (konosido endemas komo V4) (en madjar: Visegrádi Együttműködés; en polako: Grupa Wyszehradzka; en cheko: Visegrádská skupina; en eslovako: Vyšehradská skupina) es una aliansa de katro payises de Evropa Sentrala: Madjaristan, Polonia, la Chekia i Eslovakia.

Payises myémbros del Grupo Visegrád.
Los presidentes del grupo Visegrád en Budapest (2003).

Orijinalmente el Grupo Visegrád se krió enel anyo 1335, kuando el rey Karl Robert de Madjaristan konvidó a un enkontro enel palasio de Visegrad (en madjar: Visegrád) al rey Kazimir III de Polonia i al rey cheko Jan I de Bohemia. Antonses, los tres reyes akodraron no gerrear entre eyos i abediguarsen kon el buto de azer una amijor lision politika i ekonomika.

Oy endiya, el grupo V4 fue kriado en un enkontro de los shefes de Estado i govierno de Chekoslovakia, Madjaristan i Polonia el 15 de Fevrero de 1991. Václav Havel, de Chekoslovakia, Lech Wałęsa, el presidente de Polonia i József Antall, el Primér Ministro de Madjaristan. El enkontro se izo 656 anyos diskués del orijinalo yamado por el rey Karl Robert en Visegrád, kon el buto de estableser un akódro entre estos tres payises (endagora katro, deke Chekoslovakia en 1993 se separó en Chekia i Eslovakia) para aprestar el proseso de integrasiyon evropea.

Los myémbros del grupo Visegrád fueron akseptados en la Union Evropea el 1 de Mayo de 2004. Todos los payises del grupo aprontaron referenda para entrar en la UE, kon reushitá en los katro payises.

Atamientos eksternos[trocar | editar código]