Lingua madre

Un artíkolo de la Vikipedya, la ansiklopedya líbera

La lingua madre es la primera lingua o lashon ke una persona se ambeza. Se aze difrente de las sigundas linguas las kualas son ambezadas diskués. El Diya Internasional de la Lingua Madre es el 21 de Fevrero.[1]

Asigun la akademika Louise Dabène, de la Universita Stendhal de Grenoble, egzisten varios aspektos ke azen a una lingua, lingua madre:[2]

  • La lingua avlada por la madre a la kreatura.
  • La primera lingua ambezada.
  • La lingua ke es amijor konosida por la persona. Esta relasionada kon la emportansia ke da la persona de modo subjektivo.
  • La lingua ambezada de forma natural, sin lisiones en la akademia.

Por esto, espesialmente en akeyas rejiones ande se avlan linguas minoritarias, se topan mas de una lingua komo lingua madre.

Referensias[trocar | trocar el manadero]

  1. Día Internacional del Idioma Materno (en lingua kastilyana)
  2. Aspectos conceptuales para abordar los contextos de enseñanza/aprendizaje de lenguas en contacto. Pág 20. (en lingua kastilyana)