Nelson Mandela

de Vikipedya, la ansiklopedya líbera
Saltar a: navigación, buxcar

Nelson Rolihlahla Mandela ( Mvezo, 18 de Djulio de 1918), amijor konosido en su payis komo Madiba, es un avokato, i el primér presidente de Sud-Afrika dempues de akavar la rejima del apartheid, ansina komo el lider de Umkhonto we Sizwe, las huérsas armadas del Kongreso Nasional Afrikano. En 1962 fue yevado a prizión i resivió kondena de kadena perpetual. Mandela estuvo 27 anyos en la prizión, la majorita de los kualos estuvo en la prizión de Robben Island. Dempues de la su libberasión el 11 de Febrero de 1990, Mandela yevó a su partido politiko a negosiasiones kon la minoria blanka kon el buto de konsigir una demokrasia multi-rasiala en Sud-Afrika, la kuala empiesó enel anyo 1994 kon las priméras eleksiones demokratikas para todas las rasas del payis. Nelson Mandela fue el ganador de las eleksiyones i yegó a ser presidénte desde 1994 asta 1999, bushkando siempre la unidad de los sud-afrikanos.

En Sud-Afrika, Mandela es yamado "Madiba", un títolo de onor ke le fue dado por los viejos del klan de Mandela. Mandela tiene resivido mas de 250 premios i rekonosimientos internasionales durante mas de 40 anyos, komo el Premio Nobel de la Paz de 1993, el kualo lo resivió endjunto a Frederik De Klerk por los sus eshuérsos para azer de Sud-Afrika una demokrasia sin limitos de rasa.


Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.