Octave Mirbeau

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Octave Mirbeau (nasido en Trevyer, Basha Normandiya, Fransia, 16 de Fevrero de 1848 — 16 de Fevrero de 1917, en la sivdad de Paris)^[1], era un djurnalisto, un aktivisto dreyfusisto (Kavzo Dreyfus^[2]), un intelektual anarkisto i un eskritor fransez.

Biografiya

Mirbeau es el autor de kuentos (Contes cruels, 1990), ensayos, novelas (Le Jardin des supplices, 1899), dramas Les Mauvais bergers, 1897) i komedias (Les affaires sont les affaires, Comédie-Française, 1903). El es el prinsipal eskritor impresionisto.

Enel anyo 1873 el empiesó la su karriera profisional de jurnalisto, eskrivyendo para el djurnal L'Ordre de Paris. Enel anyo 1886 publiko su primera novela, Le Calvaire. Enel anyo 1887 se espozo kon una aktrisa, Alice Regnault.

Los sus amigos eran los eskritores Guy de Maupassant i Émile Zola, los pintadores impresionistos Claude Monet i Camille Pissarro i los eskultores Auguste Rodin i Aristide Maillol^[3]).

Mirbeau es konsiderado uno de los eskritores fransezos mas emportantes del syéklo XIX. Las ovras de Mirbeau estan tresladadas a las prinsipalas linguas del 'olam (la mas famosa de eyas es sin duda Le Journal d'une femme de chambre, 1900) i la su komedia Les affaires sont les affaires (Los negosios son los negosios) fue apresentada en munchos payises.

Referensias

↑ Mirbeau tenía 69 anyos djustos.
↑ Octave Mirbeau, L’Affaire Dreyfus (Seguier, 1991), en defensa del kapitan Alfred Dreyfus.
↑ Octave Mirbeau, Combats esthétiques, Seguier, 1993.

Ovras principales

Novelas

Le Calvaire (1886).
L'Abbé Jules (1888).
Sébastien Roch (1890).
Le Jardin des supplices (1899).
Le Journal d'une femme de chambre (1900).
Dingo (1913).

Ovras para teatro

Les Mauvais bergers, drama (1897) (tresladasion a la lingua djudeo-espanyola : Los negros pastores, 1912).
Les affaires sont les affaires, komedia (1903).
Farces et moralités, komedias (1904).
Le Foyer, komedia (1908).

Atamientos eksternos

[1] Mirbeau tenía 69 anyos djustos.

[2] Octave Mirbeau, L’Affaire Dreyfus (Seguier, 1991), en defensa del kapitan Alfred Dreyfus.

[3] Octave Mirbeau, Combats esthétiques, Seguier, 1993.

[1]

[2]

[3]